استانا قالاسىنىڭ سول جاعالاۋىندا ويشىل اباي قۇنانباي ۇلىنىڭ ەڭ ءىرى تسيفرلىق بەينەسى كورىنىپ تۇر. 65 مەترلىك پورترەت شولۋ دوڭگەلەگىندە ورنالاسقان. ول 53 مىڭ پيكسەلدەن استام جاڭا LED جارىقتاندىرۋمەن جابدىقتالعان. سۋرەت ءبىر-ءبىرىن الماستىراتىن قازاق ويۋ-ورنەكتەرىمەن, تۋىمەن سۇيەمەلدەنەدى.
قالا تۇرعىندارى بۇل جەردى شىعارماشىلىق بەينەلەر جاساۋ ءۇشىن بەلسەندى پايدالانىپ جاتىر. ماسەلەن, ە.راحماديەۆ اتىنداعى مەملەكەتتىك اكادەميالىق فيلارمونيا ءارتىسى ۇلجان كۇلجانوۆا سكريپكادا «كوزىمنىڭ قاراسى» تۋىندىسىن ورىندادى. نۇرا اۋدانىنىڭ اكىمدىگى مەن «Ailand» وتباسىلىق دەمالىس ورتالىعى ۇيىمداستىرعان ءىس-شارا 10 تامىزدا اتاپ وتىلەتىن اباي كۇنىنە ورايلاستىرىلدى. پورترەت پەن انيماتسيانى كورسەتۋ
16 تامىزعا دەيىن جالعاسادى.
