ناقتىلاپ ايتا كەتسەك, كوكسۋ, ەسكەلدى اۋداندارى مەن تالدىقورعان قالاسى ارالىعىنداعى ۇزىندىعى 69,5 شاقىرىم بولاتىن «الماتى – وسكەمەن» رەسپۋبليكالىق تاسجولىنىڭ بويىندا اباتتاندىرۋ جانە سانيتارلىق تازالاۋ جۇمىستارى جۇرگىزىلدى. ءىس-شاراعا 150 ادام, 21 تەحنيكا جۇمىلدىرىلدى. 84 توننا قوقىس شىعارىلىپ, 5 شاقىرىم قورشاۋ سىرلاندى, 4,5 شاقىرىم ارىق جەلىلەرى تازالانىپ, قۋراعان اعاشتار مەن ءشوپ شابىلدى.
بۇعان قوسا وبلىستا عيماراتتاردىڭ سىرتقى كەلبەتىن جاقسارتۋ, بالالار, سپورت الاڭدارىن سالۋ, اۋماقتاردى كوگالداندىرۋ, ەلدى مەكەندەردى اباتتاندىرۋ باعىتىندا ءىس-شارالار وتكىزىلىپ جاتىر. بيىل وبلىستىڭ اۋداندارى مەن قالالارىن اباتتاندىرۋ ءۇشىن جەرگىلىكتى بيۋدجەتتەن 5,5 ملرد تەڭگە ءبولىندى. سونىڭ ناتيجەسىندە 122 اۋلا اباتتاندىرىلادى, 117 بالالار جانە سپورت الاڭدارى سالىنادى, 44 كوپ قاباتتى تۇرعىن ءۇيدىڭ شاتىرلارى مەن قاسبەتتەرى جوندەلەدى, 24,1 كم ارىق جەلىلەرى اباتتاندىرىلادى. سونىمەن قاتار 8 ساياباققا اعىمداعى جوندەۋ جۇرگىزىلىپ, 115 مىڭ اعاش كوشەتى وتىرعىزىلادى, سونىڭ 59 مىڭى ەگىلدى, قالعان 56 مىڭى كۇزگى كەزەڭدە وتىرعىزىلادى. وسى ءىس-شارالاردىڭ ءبارى ءوڭىردىڭ تازالىعىن ساقتاپ, كەلبەتىن كوركەيتۋگە ۇلكەن ىقپال ەتىپ وتىر.
ەسكە سالساق, جەتىسۋ وبلىسىندا ءساۋىر ايىنان بەرى «تازا قازاقستان» رەسپۋبليكالىق ەكولوگيالىق اكتسياسىنا جالپى سانى 163 مىڭنان اسا ادام اتسالىستى. سونىڭ ناتيجەسىندە وڭىردە 29 514 ءتۇپ كوشەت وتىرعىزىلدى, تازارتۋ ءىس-شاراسىنا 1 220 تەحنيكا جۇمىلدىرىلىپ, 6 369 توننا قوقىس شىعارىلدى, 2 226 كم ارىق تازالانىپ, 25 826 شارشى مەتر اۆتوموبيل جولىنا اعىمداعى جوندەۋ جۇمىستارى جۇرگىزىلدى.
ودان بولەك سۋ تاسقىنىن بولدىرماۋ جانە قاۋىپسىزدىكتى قامتاماسىز ەتۋ ءۇشىن قاراتال وزەنىنىڭ ارناسىن تۇزەتۋ جۇمىستارى توقتاماي تۇر. قالالىق شۇعىل دەن قويۋ جاساعىنىڭ قۇرامىنا كىرەتىن تالدىقورعان قالاسىنىڭ ءىرى كاسىپورىندارى وزەن ارناسىنا مەحانيكالاندىرىلعان تازارتۋ جانە تۇزەتۋ جۇمىستارىنا كومەك كورسەتىپ جاتىر.
ماماندار وزەن ارناسىنىڭ تۇرعىن ۇيلەر مەن الەۋمەتتىك نىساندار تۇرعان شامامەن 2 شاقىرىمىن تازارتۋدى جوسپارلادى. قازىر وبلىستىق پەريناتالدىق ورتالىقتان جانسۇگىروۆ كوشەسىندەگى كوپىرگە جانە كىرمە جولدارعا دەيىن تۇزەتۋ جۇمىستارى جۇرگىزىلىپ جاتىر. الداعى ۋاقىتتا وسىنداي جۇمىستار نازارباەۆ داڭعىلى مەن جانسۇگىروۆ كوشەسىنىڭ كوپىرلەرى اراسىندا اتقارىلادى. بۇل ءىس-شارالارعا قاجەتتى تەحنيكا – 3 ەكسكاۆاتور, بۋلدوزەر, تيەگىش, ەكى جۇك ماشيناسى تارتىلدى. جۇمىستار 15 قازانعا دەيىن جالعاسادى.
جەتىسۋ وبلىسى
