نازارباەۆ پرەزيدەنت سايلاۋىندا ايقىن باسىمدىقپەن جەڭىسكە جەتتى

استانا. 27 ءساۋىر. قازاقستاننىڭ ءىس باسىنداعى پرەزيدەنتى, «نۇر وتان» پارتياسىنىڭ توراعاسى نۇرسۇلتان نازارباەۆ قازاقستان پرەزيدەنتىنىڭ كەزەكتەن تىس سايلاۋىندا ايتارلىقتاي باسىمدىقپەن جەڭىسكە جەتتى. بۇل تۋرالى تاسس ءتىلشىسى حابارلادى. «بۇعان سايلاۋ ۋچاسكەلەرىندە جۇرگىزىلگەن ساۋالداما بارىسى ايعاق بولىپ وتىر», - دەلىنگەن حابارلامادا. «دەموكراتيا ينستيتۋتى» عىلىمي-زەرتتەۋ اسسوتسياتسياسى» قوعامدىق بىرلەستىگى جۇرگىزگەن ەكزيت-پولدىڭ ناتيجەلەرى بويىنشا, نۇرسۇلتان نازارباەۆ ءۇشىن سايلاۋ ۋچاسكەلەرىنە كەلگەن سايلاۋشىلاردىڭ 97,5 پايىزى داۋىس بەرگەن. سايلاۋداعى ەكىنشى كانديدات – قازاقستان حالىقتىق كوممۋنيستىك پارتياسىنىڭ وكىلى تۇرعىن سىزدىقوۆ 1,87 پايىز داۋىس العان. ءۇشىنشى كانديدات – ءوزىن ءوزى ۇسىنۋشى, قازاقستان كاسىپوداعى فەدەراتسياسىنىڭ توراعاسى ابىلعازى قۇسايىنوۆ ءۇشىن ەلەكتوراتتىڭ 0,63 پايىزى ءوز داۋىستارىن بەرگەن. ەكزيت-پولل وسىنداي ناتيجەلەر كورسەتىپ وتىر. ورتالىق سايلاۋ كوميسسياسىنىڭ پرەزيدەنت سايلاۋىنىڭ قورىتىندىلارى تۋرالى الدىن الا مالىمەتى 27 ءساۋىر كۇنى جاريالانادى. قۇرىش نۇرىمبەت. دەرەك, سۋرەت: تاسس.