الايدا سارسەنباي اقساقال 2023 جىلى اتىراۋ قالاسىنان باستاعان ساپارىن كاۆكاز ەلدەرىن باسىپ ءوتىپ, ىستانبۇل قالاسىندا اياقتاپ, ايدى اسپاننان ءبىر-اق شىعاردى.
اقساقال ءوزىنىڭ باستى ماقساتى – «بارعان ەلىمە, جۇرگەن جەرىمە ۇلتىمىزدىڭ سالت-داستۇرلەرىن, ادەت-عۇرپىن, اس-سۋىن, تاريحىن ناسيحاتتاۋ», دەيدى. ول زاماناۋي اقپارات تاراتۋ قۇرالدارىن, ياعني الەۋجەلىنى جاقسى مەڭگەرىپ العانى سونشالىق, Instagram پاراقشاسىندا @ulytaumen, YouTube, TikTok @ulytauman اككاۋنتتارى ارقىلى تانىمال. بۇلار ارقىلى ول ءوزىنىڭ ساياحاتى تۋرالى اسەرلەرىمەن, بەينە-فوتو ماتەريالدارىمەن ءبولىسىپ, جاريالاپ وتىرادى.
بيىلعى 2 تامىز كۇنى س.قوتىراشوۆ الەمدى جاياۋ ارالاۋدىڭ ەكىنشى كەزەڭىن باستادى. وسكەمەن قالاسىنان باستاۋ الاتىن ساپار بەيجىڭ قالاسىندا مارەگە جەتەدى. بارلىعى – 3000 شاقىرىم جول. ناقتىراق ايتقاندا, رەسەي ارقىلى – 650 شاقىرىم, موڭعوليا, قىتاي ەلدەرىندە – 2350 شاقىرىم. ء«ۇش مىڭ شاقىرىمدى 3 ايدا ءجۇرىپ وتەمىن», دەيدى اقساقال.
ء«بىز اقساقالدىڭ الدىنا قويعان ماقساتىنا جەتەتىنىنە سەنىمدىمىز. ويتكەنى وتكەن جىلى قازاقستان – رەسەي – گرۋزيا – تۇركيا ساپارىندا دا 3000 شاقىرىمدى 100 كۇنگە جەتپەي ءجۇرىپ ءوتتى. سارسەنباي وسپان ۇلى – كىشكەنتايىنان ەڭبەكپەن شىڭدالعان كىسى. قولىنان كەلمەيتىنى جوق. ول – مەتالل وڭدەۋدىڭ حاس شەبەرى, قولونەرشى, ساۋلەت ەسكەرتكىشتەرىنىڭ رەستاۆراتورى. العاشقى ساپارىنان باستاپ قازاق قولونەرشىلەرىن ناسيحاتتاپ كەلەدى.
قازاق گەوگرافيالىق قوعامى اتامىزعا ساياحاتقا شىققان سايىن قولداۋ كورسەتەدى. جاڭا ساپارعا شىعار الدىندا دا «QazaqGeography» قوعامى, «Alloff brands», «Argymaq» كومپانيالارى, « ۇلى تاعزىم» قوعامدىق قورىنىڭ وكىلدەرى اقساقالعا ساتتىلىك تىلەدى. ىشكى ءتۋريزمدى ناسيحاتتاۋشى, ساياحاتشى, بلوگەر اليا حايرۋللاقىزى ساياحاتشى اتامىزدى قولداپ, قۇرمەتتەپ, «كافە تسەليننيكوۆ» مەيرامحاناسىندا ارنايى داستارقان جايدى, ۇلتتىق «Qyzyl Saia» (قىزىل سايا) ەت ونىمدەرىمەن تانىستىرعان ءارى ۇسىنعان مەيرامحانا قىزمەتكەرى اسەل شۇلەنباەۆا تۋريستەرگە ارنايى دايىندالعان, الىس ساپارعا جارامدى جىلقى ەتى قازى سالىنعان ۆاكۋمدەلگەن پاكەتتەرىن اقساقالعا ۇسىندى. ءسويتىپ, «Ulytaumen» اتاۋىمەن تانىمال سارسەنباي قوتىراشوۆ اقساقال جاڭا ساپارىنا اتتاندى. ول ءوزىنىڭ بيىلعى ساپارىن Vدۇنيەجۇزىلىك كوشپەلىلەر ويىندارىنا ارنايتىن بولادى», دەيدى « ۇلىتاۋ» ۇلتتىق تاريحي-مادەني جانە تابيعي مۋزەي-قورىعىنىڭ قىزمەتكەرى بايان شايگوزوۆا.
اقساقالدىڭ ارمانى اسقاق. ول بيىلعى ساپارمەن شەكتەلىپ قالماق ەمەس. ءساتىن سالسا, 2025 جىلى بولگاريا – سەربيا – ماجارستان – اۋستريا – گەرمانيا – فرانتسيا باعىتىن, 2026 جىلى اقش جەرلەرىن ارالاۋدى كوزدەپ وتىر.
