اتاپ ايتساق, ەلىمىزدەگى يندۋستريا سالالارىن قازىرگى زامان تالاپتارىنا ساي ىلگەرى دامىتۋدىڭ قادامدارى, سۋ, جەر قاتىناستارىن رەتتەۋ, ينفراقۇرىلىمدىق قاۋىپسىزدىك ماسەلەسى, ەڭ باستىسى, ەل قاۋىپسىزدىگىن جاڭاشا باعالاۋ, سوعان قاجەتتى ناقتى شارالار قابىلداۋ رەتى ايقىندالدى. «پروگرەسسيۆتى ۇلت بولۋ ءۇشىن قازاقستان بارلىق ازاماتتاردىڭ دۇنيەتانىمىن وزگەرتىپ, قوعامدىق سانادا جاڭا قۇندىلىقتاردى ءسىڭىرۋى كەرەك», دەپ مالىمدەدى پرەزيدەنت.
مەملەكەت باسشىسى ۇسىنعان باستامالار وتە اۋقىمدى ءارى جۇرگىزىلىپ جاتقان رەفورمالاردىڭ قيسىندى جالعاسى بولىپ ەسەپتەلىنەدى. ال ولاردىڭ نەگىزگى ماقساتى – قۋاتتى جانە وركەندەگەن مەملەكەت قۇرۋ. قازاقستاننىڭ ەكونوميكالىق دامۋىنىڭ جاڭا پاراديگماسى ەلىمىزدىڭ باسەكەلىك ارتىقشىلىقتارىن ءتيىمدى پايدالانۋعا جانە ءوندىرىس سالاسىنداعى ەڭبەك, كاپيتال, رەسۋرستار, تەحنولوگيا سياقتى نەگىزگى فاكتورلاردىڭ الەۋەتىن بارىنشا اشۋعا نەگىزدەلەدى. وسىلايشا, ەل ەكونوميكاسىنىڭ باسىم سەكتورلارىن دامىتۋعا دەن قويىلۋى كەرەك.
ياعني قازاقستاندى ەۋرازيانىڭ نەگىزگى ترانزيتتىك حابتارىنىڭ بىرىنە اينالدىرۋ ءۇشىن تۇبەگەيلى قادامدار جاساۋ قاجەت. سونىڭ ءبىرى – قىتايدىڭ سىرتقى ساياساتتاعى سونى جەتىستىگى ء«بىر بەلدەۋ, ءبىر جول» جاھاندىق باستاماسى اياسىندا ىسكە اسىرىلىپ جاتقان كولىك-لوگيستيكالىق ورتالىقتاردى قولعا الۋ ماسەلەسى. سونداي-اق مەملەكەت باسشىسى ۇكىمەت ەلدى مەكەندەردى گازداندىرۋ دەڭگەيىن ەداۋىر ارتتىرىپ, كەمىندە 1700 شاقىرىم جەلىنى جاڭعىرتۋ قاجەت ەكەنىن ايتتى. ەلىمىزدىڭ جول جەلىسىن سالۋ جانە قايتا قۇرۋ ەكونوميكانىڭ دامۋىنا قۋاتتى سەرپىن بەرەتىندىگى, كەم دەگەندە 12 مىڭ شاقىرىم اۆتوموبيل جولدارىن جۇمىسپەن قامتۋ ماسەلەسى قاداپ ايتىلدى. ناتيجەسىندە, ەلدى مەكەندەردىڭ كولىكتىك قولجەتىمدىلىگى ايتارلىقتاي جاقسارادى. ادامداردىڭ ىسكەرلىك بەلسەندىلىگى مەن الەۋمەتتىك ۇتقىرلىعى ارتا تۇسەدى.
ەلدىڭ نەگىزگى قوزعاۋشى كۇشى – يدەيالار مەن يننوۆاتسيالار. ءبىز قوعامنىڭ پوستيندۋستريالدى مودەلىنە بىرتىندەپ جاقىنداپ كەلە جاتىرمىز. وزىق تەحنولوگيالارعا نەگىزدەلگەن ءبىلىم ەكونوميكاسىن قۇرۋ كەرەك. قازاقستان جاپپاي تسيفرلاندىرۋ جانە جاساندى ينتەللەكتتى جەدەل دامىتۋ اۋماعىنا اينالۋعا ءتيىس. بۇل – ءبىزدىڭ ستراتەگيالىق مىندەتىمىز.
تەحنولوگيا جاقىن ارادا الەمدى تۇبەگەيلى وزگەرتەدى. ءبىز زاماناۋي تسيفرلىق كوشپەلىلەر وركەنيەتىنىڭ پروگرەسسيۆتى ستاندارتتارىنا ساي بولۋىمىز قاجەت. بۇل سالادا جاستاردىڭ الەۋەتى, مەنتاليتەتى مەن تالانتى «قازاقستاندىق سەرپىلىسكە» ناقتى مۇمكىندىگىمىز بار ەكەنىن كورسەتىپ وتىر.
جاھاندانۋ ءۇردىسى قارقىن العان زاماندا جوعارى ءبىلىم بەرۋ مەن عىلىم سالاسىنداعى دامۋدىڭ يننوۆاتسيالىق باعىتتارى ءوز جەمىسىن بەرەدى. مىنە, وسىعان وراي عىلىم جانە جوعارى ءبىلىم سالاسى تاراپىنان ايقىندالعان مىندەتتەردى ىسكە اسىرۋ جولىندا بارلىق الەۋەتتى جۇمىلدىرۋ ساپالى كادرلار دايارلاۋدىڭ نەگىزى بولاتىنى ايقىن. ياعني ء«بىزدىڭ نەگىزگى ميسسيامىز – ەلىمىز ءۇشىن بىلىكتى, باسەكەگە قابىلەتتى جانە تالانتتى جاس مامانداردى دايارلاۋ».
ينتەللەكتۋالدى ۇلت قالىپتاستىرۋ ەلدىڭ دامۋىنا ۇلكەن وزگەرىستەر اكەلەتىنى بەلگىلى. ادىلەتتى قازاقستاننىڭ جاڭا تۇرپاتتى جاستارىن وتانشىل, ءبىلىمپاز, ەڭبەكقور, ءتارتىپتى, ادال, ءادىل ەتىپ تاربيەلەسەك, ەلىمىز ءوزىنىڭ ماقسات-مۇراتىنا جىلدام قول جەتكىزەدى. سانالى ۇلت قالىپتاستىرۋ ەلدىڭ دامۋىنا ۇلكەن وزگەرىس اكەلەدى. سوندىقتان جاستار تاربيەسىنە قاتتى كوڭىل ءبولۋىمىز كەرەك. قۇرىلتايدا ءاربىر ازاماتىمىز, اسىرەسە جاستار, ەڭ جاقسى قاسيەتتەردى بويىنا ءسىڭىرۋى قاجەتتىگى باسا ايتىلدى.
جاپپار جۇمان,
ەكونوميكا عىلىمدارىنىڭ دوكتورى, پروفەسسور
