الماتى. 12 ماۋسىم. اقسۋ-جاباعىلى مەملەكەتتىك قورىعى يۋنەسكو-نىڭ دۇنيەجۇزىلىك بيوسفەرالىق قورىقتارى تىزىمىنە ەندى. ماۋسىم ايىنىڭ 8-12 ارالىعىندا پاريجدە وتكەن يۋنەسكو-نىڭ "ادام جانە بيوسفەرا" باعدارلاماسى ۇيلەستىرۋ كەڭەسىنىڭ كەزەكتى وتىرىسى وسىنداي شەشىمگە كەلدى. بۇل تۋرالى newtimes.kz حابارلادى.
وسىلايشا دۇنيەجۇزىلىك بيوسفەرالىق قورىقتار تىزىمىنە الەمنىڭ 10 مەملەكەتىنەن جاڭادان 20 نىسان قوسىلدى. اقسۋ-جاباعىلى قورىعى باتىس تيان-شان تاۋىندا, قاراتاۋ قالاسىنان وڭتۇستىككە قاراي ورنالاسقان, اۋماعى 357 مىڭ گەكتاردان اسادى. قورىقتا بارلىق قۇستاردىڭ 48 پايىزى مەن ومىرتقالى جانۋارلاردىڭ 72,5 پايىزى مەكەندەيدى. يۋنەسكو تۇسىندىرمەسىندە "قورىق الەمدەگى قۇستاردى باقىلاۋعا ەڭ قولايلى جەرلەردىڭ ءبىرى سانالادى جانە ەكوتۋريزمدى دامىتۋعا الەۋەتى جەتكىلىكتى" دەلىنگەن.
تالعات ءسۇيىنباي.
دەرەك, سۋرەت: newtimes.kz.
