سۋرەت: senate.parlam.kz
وتىرىس بارىسىندا قاتىسۋشىلار اگرارلىق ساياسات, ەكولوگيا جانە تابيعاتتى ۇتىمدى پايدالانۋ سالاسىنداعى مودەلدىك زاڭنامانى جەتىلدىرۋ جانە پارلامەنتارالىق ءوزارا ءىس-قيمىلدى دامىتۋ جونىندەگى اۋقىمدى ماسەلەلەردى قارادى.
كۇن تارتىبىندەگى نەگىزگى ماسەلەنىڭ ءبىرى – تمد-عا مۇشە مەملەكەتتەرگە ارنالعان جاڭا رەداكتسياداعى ۇلگى جەر كودەكسىنىڭ جوباسىن تالقىلاۋ. قاراۋ قورىتىندىسىندا قۇجات تۇتاستاي ماقۇلدانىپ, كەيىننەن تمد پاا پلەنارلىق وتىرىسىنىڭ قاراۋىنا ەنگىزىلەتىن بولدى.
سونىمەن قاتار كوميسسيا مۇشەلەرى دوستاستىق كەڭىستىگىندەگى سانى 140-تان اساتىن يادرولىق مۇرا نىسانىنا بايلانىستى رادياتسيالىق-ەكولوگيالىق قاۋىپتەردى جويۋ سالاسىنداعى تمد مەملەكەتتەرىنىڭ ءىس-قيمىلدارىن ۇيلەستىرۋگە باعىتتالعان تۇجىرىمدامالىق قۇجاتتى ازىرلەۋ جونىندەگى باستامانى قولدادى.
وتىرىس اياسىندا تمد مەملەكەتتەرىندەگى اگرارلىق ساياسات جانە ەكولوگيا سالاسىنداعى زاڭنامانى دامىتۋ ماسەلەلەرى, قالدىقتاردى قايتا وڭدەۋدى ەكونوميكالىق ىنتالاندىرۋ شارالارى, سونداي-اق جەر قويناۋىن پايدالانۋ سالاسىنداعى ساراپشىلار قىزمەتىنىڭ ەتيكالىق ماسەلەلەرى قارالدى.
«تاۋلى اۋماقتاردىڭ تۇراقتى دامۋى» حالىقارالىق فورۋمىنىڭ قورىتىندىسىنا جانە ترانسشەكارالىق ەرەكشە قورعالاتىن تابيعي اۋماقتاردى قالىپتاستىرۋ ماسەلەلەرىنە ەرەكشە كوڭىل ءبولىندى.
وتىرىس قورىتىندىسىندا ۇلگى زاڭ شىعارۋدى ودان ءارى دامىتۋ جانە تمد-عا مۇشە مەملەكەتتەردىڭ تۇراقتى دامۋ سالاسىنداعى ىنتىماقتاستىعىن نىعايتۋعا باعىتتالعان ءتيىستى شەشىمدەر مەن ۇسىنىمدار قابىلداندى.
