تالدىقورعان. 26 ءساۋىر. الماتى وبلىسىندا قازاقستان رەسپۋبليكاسى پرەزيدەنتتىگىنە ۇمىتكەرلەردى سايلاۋعا حالىقتىڭ قاتىسۋ بەلسەندىلىگى جوعارىلاپ, مادەنيەتتىلىكتىڭ ۇيلەسىمدى ءارى جاراسىمدى ءتۇرى كورسەتىلدى. بۇل تۋرالى egemen.kz ءتىلشىسى حابارلادى.
بۇل - قۋانا قۇپتارلىق جايت. بۇگىن 26 ءساۋىر كۇنى تاڭعى ساعات 7.00-دە الماتى وبلىسى بويىنشا 883 سايلاۋ ۋچاسكەسى سايلاۋشىلارعا ەسىكتەرىن ايقارا اشتى. مىنە, ساعات 20.00-دە وبلىس بويىنشا سايلاۋعا قاتىساتىندىعى انىقتالىپ, تىركەلگەن 945 708 سايلاۋشىلاردىڭ 931 333 سايلاۋشىلارى, ياعني 98,48 پايىزى داۋىس بەردى.
ەلدىڭ بۇل سايلاۋعا دەگەن بەلسەندىلىگىنىڭ ارتۋى ەلىمىزدەگى الەۋمەتتىك-ەكونوميكالىق جاعدايىنىڭ جاقسارعانىن جانە حالىقتىڭ ساياسي بەلسەندىلىگىنىڭ كوتەرىلگەندىگىن كورسەتتى. قاراپايىم حالىقتىڭ اراسىندا وبلىستىق سوت جۇيەسى قىزمەتكەرلەرىنىڭ بىرگە ءجۇرىپ, قۇقىقتىق مادەنيەتتەرىنىڭ جوعارى ەكەندىگىن كورسەتە بىلگەنى دە كوڭىلدەرگە قۋانىش سىيلادى.
نۇربول الدىباەۆ.
دەرەك, سۋرەت: egemen.kz
