اقتاۋ. 12 ماۋسىم. اقتاۋدا ءوزىن-ءوزى ولتىرۋگە ارەكەتتەنگەن كاسىپكەردى ايماق باسشىسى اليك ايدارباەۆ قابىلداۋدا. بۇل تۋرالى lada.kz سايتىنا سىلتەمە جاساعان egemen.kz ءتىلشىسى حابارلادى.
بۇگىن ماڭعىستاۋ وبلىستىق اكىمدىگىنىڭ عيماراتىندا دۇربەلەڭ تۋدى. كاسىپكەر, اقتاۋدا وتكەن جىلى سۇرىلگەن «راۆيل» كافەسىنىڭ يەسى, «ءوز كاسىبىنىڭ تىعىرىققا تىرەلۋىنە ماڭعىستاۋ وبلىسىنداعى جەمقورلاردىڭ اسەرى بولدى» دەپ سانايتىن باقتيار ماسيموۆ ماڭعىستاۋ وبلىسىنىڭ اكىمدىگىندە ءوزىن-ءوزى ورتەيتىندىگىن ايتقان بولاتىن. ونىڭ قولداۋشىلارى – ۇلى مەن ادۆوكاتى ماسيموۆتىڭ ولەر الدىنداعى كىنالاۋ حاتى جازىلعان پلاكاتتى كوتەرىپ تۇردى. بۇدان باسقا اكىمدىك الدىنا كافەدە جۇمىس جاساعان بىرقاتار ادامدار كەلگەن. كافە اكىمشىلىگى مايرا تۇتقاباەۆا باقتياردىڭ ەڭبەگى ادال ەكەندىگىن ايتىپ, كافەنىڭ ءسۇرىلۋ سالدارىنان 17 ادامنىڭ جۇمىسسىز قالعاندىعىن ايتتى. پلاكات كوتەرگەن ەكى ەر ادام مەن مايرانى پوليتسيا قىزمەتكەرلەرى الىپ كەتتى.
گۇلايىم شىنتەمىرقىزى.
دەرەك, سۋرەت: lada.kz.
