10 مىڭنان استام شىعىسقازاقستاندىق ءتىل وقىتۋ كۋرستارىنان ءوتتى

وسكەمەن. 11 ماۋسىم. شىعىس وڭىرىندە تىلدەردى قولدانۋ جانە دامىتۋ مەملەكەتتىك باعدارلاماسى بەلسەندى جۇزەگە اسىرىلۋدا. جىل سايىن مەملەكەتتىك ءتىلدى ۇيرەنۋگە ىقىلاس تانىتۋشىلار قاتارى ارتىپ كەلەدى. بيىل وبلىس بويىنشا جاڭادان قازاق ءتىلىن مەڭگەرگەندەر 1335 ادامدى قۇراسا, اعىلشىن ءتىلىن ۇيرەنۋشىلەر 517 ادامعا جەتتى. بۇل تۋرالى egemen.kz حابارلادى. شىعىس قازاقستان وبلىستىق تىلدەردى دامىتۋ باسقارماسىنىڭ باسشىسى ايدىن شايماردانوۆتىڭ ايتۋىنشا, باسقارما الدىندا مەملەكەت باسشىسىنىڭ قازاقستان حالقىنا جولداۋىنداعى «2011-2020 جىلدارعا ارنالعان تىلدەردى قولدانۋ جانە دامىتۋ مەملەكەتتىك باعدارلاماسىن» جۇزەگە اسىرۋ جونىندەگى تاپسىرمالارىن ورىنداۋ مىندەتى تۇر. بۇل باعدارلاما تولىعىمەن ءۇش كەزەڭ بويىنشا ورىندالماق. ونىڭ العاشقى 2011-2013 جىلدار ارالىعىنداعى كەزەڭى ءوتتى. قازىرگى كەزدە باعدارلامانىڭ 2014-2016 جىلدارعا ارنالعان ەكىنشى كەزەڭىن جۇزەگە اسىرۋ بويىنشا ماقساتتى جۇمىستار قولعا الىندى. بۇل كەزەڭدە مەملەكەتتىك قىزمەتكەر, حالىققا قىزمەت كورسەتۋ ورتالىعى جانە مەملەكەتتىك قىزمەت كورسەتۋ قىزمەتكەرلەرىنە ارنالعان مەملەكەتتىك ءتىلدى ءبىلۋ تالاپتارىنىڭ تومەنگى تالاپتارىن مىندەتتەۋدى ەنگىزۋ قاراستىرىلادى. سونىمەن بىرگە اتالعان كەزەڭدە مەملەكەتتىك ءتىلدى وقىتۋ ورتالىقتارىن اككرەديتاتسيالاۋدى وتكىزۋ جانە ولاردىڭ رەيتينگتىك باعالارىن ەنگىزۋ جۇمىستارى باستالادى. 2017-2020 جىلدارعا ارنالعان ءۇشىنشى كەزەڭدە مەملەكەتتىك ءتىلدى مەڭگەرۋ دارەجەسىن قاداعالاۋ مەحانيزمدەرىن ەنگىزۋ جۇمىستارىن ۇيىمداستىرۋ كوزدەلىپ وتىر. ونىڭ قاتارىندا قوعامدىق ءومىردىڭ بارلىق سالاسىندا مەملەكەتتىك ءتىلدى تالاپ ەتۋ دارەجەسىنە جانە باسقا تىلدەردى ساقتاي وتىرىپ مەملەكەتتىك ءتىلدى مەڭگەرۋ دەڭگەيى مەن قولدانۋ بارىسىنداعى ساپاعا جۇيەلى مونيتورينگ جاساۋ قاراستىرىلماق. اتاپ وتەرلىگى, وبلىس بويىنشا مەكتەپتەر, بالاباقشالار, مەكەمەلەر مەن كاسىپورىندار, قۇقىق قورعاۋ ورگاندارى جانىنداعى لينگۆيستيكالىق ورتالىقتاردا 28 مىڭنان اسا ادامدى مەملەكەتتىك تىلدە وقىتۋعا باعىتتالعان ۇيىرمەلەر مەن كۋرستار قۇرىلدى. ال 864 مىڭنان استام ادام قازاق ءتىلىن KAZCENTER. KZ كومەگىمەن ۇيرەنۋدە. دۋمان اناش. دەرەك, سۋرەت: egemen.kz.