فوتو: ult.kz
بۇگىندە قازاقستاندا 7859 مەكتەپ بار, وندا 3,9 ملن بالا ءبىلىم الادى. ءۇشاۋىسىمدى مەكتەپتەر مەن وقۋشى ورنىنىڭ جەتىسپەۋشىلىگىن جويۋ ماقساتىندا بيىلعى جىلى 302 جاڭا مەكتەپتىڭ قۇرىلىسى جوسپارلانعان. وسى تامىز ايىندا جاڭا وقۋ جىلى باستالعانعا دەيىن «جايلى مەكتەپ» ۇلتتىق جوباسى بويىنشا العاشقى 20 نىسان پايدالانۋعا بەرىلەدى.
بالالارعا جايلى ورتا قالىپتاستىرۋ ماقساتىندا 280 ءبىلىم بەرۋ ۇيىمىندا كۇردەلى جوندەۋ جۇرگىزىلىپ جاتىر. سۋ تاسقىنى سالدارىنان زارداپ شەككەن نىساندار قايتا قالپىنا كەلتىرىلۋدە.
سونىمەن قاتار 1731 مەكتەپكە Starlink جەرسەرىكتىك ينتەرنەتى قوندىرىلدى, ال شەكارا ماڭىنداعى 137 مەكتەپتە تەرمينالداردى جانداندىرۋ جۇمىستارى جۇرگىزىلىپ جاتىر.
«مەملەكەتتىڭ باسىم مىندەتى بالالاردىڭ قاۋىپسىزدىگىن قامتاماسىز ەتۋ جانە ولاردىڭ قۇقىقتارىن قورعاۋ بولىپ قالا بەرەدى. ورتكە قارسى جانە تەرروريزمگە قارسى قاۋىپسىزدىكتى قامتاماسىز ەتۋ, دابىل تۇيمەسىنىڭ, بەينەباقىلاۋ جۇيەسىنىڭ, تۋرنيكەتتەردىڭ جانە ليتسەنزيالانعان كۇزەتتىڭ مىندەتتى بولۋى جونىندەگى تالاپتار كۇشەيتىلدى. العاش رەت ءبىلىم بەرۋ ۇيىمدارىن قاۋىپسىزدىك جۇيەلەرىمەن بارىنشا جاراقتاندىرۋ قامتاماسىز ەتىلدى», دەپ اتاپ ءوتتى مينيستر.
زاماناۋي 1000 پاندىك كابينەتپەن جاراقتاندىرۋ, 1000 اۋىل مەكتەبىن 7 باعىت بويىنشا جاڭعىرتۋ بويىنشا جوبالار جۇزەگە اسىرىلىپ جاتىر.
اتاپ ءوتۋ كەرەك, بيىل روبوتتەحنيكا, حيميا, بيولوگيا, فيزيكا جانە STEM-زەرتحانا بويىنشا 1383 كابينەت ساتىپ الۋ جوسپارلانعان.
