«ماڭعىستاۋلىقتار سايلاۋدا بەلسەندىلىك تانىتتى»

اقتاۋ. 26 ءساۋىر. ماڭعىستاۋ وبلىسىندا سايلاۋ مارەسىنە جەتتى. بۇگىن وبلىستىق داعىستان حالقىنىڭ مادەني ورتالىعىنىڭ توراعاسى يۋسۋپ شاحشاەۆپەن كەزدەسىپ, سايلاۋدىڭ ءوتۋى بارىسى تۋرالى اڭگىمەلەسكەنىمىزدە, ول ماڭعىستاۋلىقتاردىڭ سايلاۋدا بەلسەندىلىك تانىتقانىن ايتتى. بۇل تۋرالى egemen.kz ءتىلشىسى حابارلادى. «مەن №№38, 39 سايلاۋ ۋچاسكەلەرىندە كۇنى بويى سايلاۋ بارىسىن باقىلادىم, ءوڭىر جۇرتشىلىعى داۋىس بەرۋگە وتە بەلسەندى قاتىستى, بۇرىن-سوڭدى بولماعان سايلاۋشىلار سانى تىركەلدى. جاستار دا, ەگدە جاستاعى ازاماتتار دا داۋىس بەردى. حالىقتىڭ سايلاۋعا سانالى تۇردە كەلۋى قۋانتادى. سايلاۋعا العاش رەت قاتىسۋىم ەمەس, الايدا ادامداردىڭ مۇنداي بەلسەندىلىگىن كورمەپ ەدىم. تىزىمدە اتى-ءجونى بولماعان ازاماتتاردان ءبىز ءۇي كىتاپشاسىن تالاپ ەتتىك, ولار ەرىنبەي ۇيگە بارىپ, قۇجاتتى اكەلگەننەن كەيىن داۋىس بەردى. بۇل دا حالىقتىڭ بىرتۇتاستىعىن كورسەتەدى», - دەيدى ول. ونىڭ ايتۋىنشا, سايلاۋدىڭ بيىل ءوتۋى وتە ورىندى. حالىق تا الەمدە قالىپتاسىپ وتىرعان جاعدايدى وي ەلەگىنەن وتكىزىپ, قازاقستان بولاشاعى ءۇشىن داۋىس بەردى. گۇلايىم شىنتەمىرقىزى. دەرەك, سۋرەت: egemen.kz