اتا-اجەلەرىمىز ەرتەگى ايتا ما؟

بالا كەزىنەن اتا-اجەلەرىنىڭ ەرتەگىلەرى مەن باتىرلار جىرىن ەستىپ وسكەن اعا ۇرپاقتىڭ ءسوز ونەرىن كيە تۇتىپ, ۇلتتىق قاسيەتتەرىمىزدى كوزىنىڭ قارا­شىعىنداي ساقتاپ, حالقىنا, ەلىنە ادال قىزمەت ەتىپ جۇرگەنىن جاقسى بىلەمىز. حالىق اۋىز ادەبيەتىنىڭ كاۋسار بۇلا­عىمەن سۋسىنداپ وسكەن اعا ۇرپاق قازىر وزدەرى نەمەرەلەرىنە ەرتەگى ايتا ما؟ بىرەۋدەن ىلگەرى, بىرەۋدەن كەيىن تۇرمىسى بار, بالا-شاعاسىنىڭ قامىن جاسايمىن دەپ «كوسموستىق» داۋىردە بالالارىنا, نەمەرەلەرىنە كوڭىل بولۋگە ۋاقىت تابا المايتىن بولۋى كەرەك دەگەن دە وي جوق ەمەس. دەسەك تە, ۋاقىت جوق دەپ سايراپ جۇرگەندەر تەلەديداردا بەرىلىپ جاتقان تۇرىك پەن كارىس, ءۇندى سەريالدارىن ۇزبەي كورەدى. نەمەرەلەرىن الدارىنا الىپ, بىرگە تاماشالايدى. بۇل سەريالداردى بالا كورۋگە بولا ما, جوق پا, ونى ويلاپ جاتقان ەشقايسىسى جوق. بۇرىن وزدەرى قانداي قازاق اقىن-جازۋشىلارى بارىن, كىم­­نىڭ قانداي كىتابى شىعىپ جات­قانىن ءبىلىپ وتىراتىن. ال, قا­زىر وزدەرىنىڭ وسى ادەتتەرىن با­لالارىنا, نەمەرەلەرىنە ۇلگى قىلا الماۋىنىڭ سەبەبى نەدە؟ ءوز ۇرپاعىنىڭ كومپيۋتەر, تەلەديدار, تەلەفون, ينتەرنەتتى جاقسى مەڭگەرگەنىن العا تارتىپ ماقتانادى. كەيىنگى ۇرپاقتىڭ زامان تالابىنا ساي عىلىمي-تەحنيكالىق پروگرەسس جەمىستەرىن بىلگەنى دۇرىس قوي. ايتسە دە, حالقىمىزدىڭ قيالى ۇشقىر, ءتىلى باي, تاپقىرلىققا تولى ەرتە­­گىلەرىن تىڭداپ وسكەن ۇر­پاق­تىڭ كوكىرەگى مەيىرىمگە, ادال­دىق­قا, قايىرىمدىلىققا, ادام­گەرشىلىككە بولەنىپ وسەتىنىن ۇعا تۇرا, بالا تاربيەسىنە كو­ڭىل ءبو­لۋدە ولقىلىق جىبەرىپ وتىر­عانىمىز وكىنىشتى. شەتەلدەنۋدىڭ ءبارى كەرەمەت دەپ, ولارعا تاڭدانۋدىڭ قاجەتى جوق ەكەندىگىن اتا-اجەلەرىمىز بىلسە عوي. رۋحاني قۇلدىراپ بارا جاتقان بالالارىمىزدىڭ ەرتەڭى نە بولماق؟  ولاردىڭ بولاشاق ەل ءتىز­گىنىن ۇستار ازامات بولۋى ءۇشىن اتا-اجەلەرى, اكە-شەشەلەرى بەسىك جىرىنان باستاپ, ەرتەگى, اڭىزدار, باتىرلار جىرىن بالا قۇلاعىنا قۇيىپ وتىرسا, بالا ءوزى دە بەيىمدەلەر ەدى. نەمەرەلەرىنىڭ قۇلاق قۇ­رىشىن قاندىراتىن ەرتەگى, اڭىز اڭگىمەلەر ايتاتىن اتا-اجەلەرىمىز كوبەيسە ەكەن دەپ تىلەيمىز. گۇلميرا راۋشانبەكقىزى, شاكارىم قۇدايبەردى ۇلى اتىنداعى №75 جالپى ءبىلىم بەرەتىن مەكتەپتىڭ مۇعالىمى. الماتى.