ەكولوگيالىق اكتسيا بايقوڭىر اۋدانىندا, قوياندى سۋ قويماسىنىڭ اۋماعىندا ءوتتى. بۇعان 100-دەن اسا ادام قاتىستى.
– «استانا – تازالىق پەن ءتارتىپتىڭ ۇلگىسى» اكتسياسى بايقوڭىر اۋدانىندا بەلسەندى جۇرگىزىلىپ جاتىر. اكتسياعا ءپىب اكىمشىلىك عيماراتتار ديرەكتسياسىنىڭ قىزمەتكەرلەرى, ەڭبەك ۇجىمدارى, جاستار جانە اۋدان تۇرعىندارى قاتىستى», دەدى بايقوڭىر اۋدانى اكىمى اپپاراتى اباتتاندىرۋ ءبولىمىنىڭ باس مامانى ايبەك اشۋوۆ.
اتالعان ءىس-شارا قوقىستى جيناۋمەن عانا شەكتەلمەي, تۇرعىنداردىڭ ەكولوگيالىق مادەنيەتىن قالىپتاستىرۋعا, وڭ ادەتتەرگە داعدىلانۋعا سەپتىگىن تيگىزەدى. وسى اكتسيا بارىسىندا اۋدان اۋماعىنان 5 توننا قوقىس شىعارىلدى. تازالاۋعا 5 ءتۇرلى ارنايى تەحنيكا جۇمىلدىرىلدى.
– «تازا قازاقستان» ەكولوگيالىق اكتسياسى اياسىندا ءبىز قوياندى سۋ قويماسىنىڭ اۋماعىندا سەنبىلىك وتكىزدىك. ءىس-شارا اتالعان نىساننىڭ ماڭايىن تازارتۋعا, اباتتاندىرۋعا ىقپال ەتىپ, اينالاسى اجەپتاۋىر جارقىراپ قالدى. تازا جانە ۇقىپتى اۋماقتار – سانيتارلىق جاعدايدىڭ كورسەتكىشى. بۇل تۇرعىنداردىڭ دەنساۋلىعىنا دا وڭ اسەر ەتەدى, – دەدى سۋ نىساندارى جانە قالدىقتار ءبولىمىنىڭ مامانى اسەل ساپباەۆا.
اۋقىمدى ەكواكتسيا اياسىندا قالانى ۇدايى ۇقىپتى ۇستاۋ, نوسەر جانە ارىق كارىزدەرىن تازارتۋ, كوشەلەردى, تروتۋارلاردى, ورامىشىلىك اۋماقتاردى, قوعامدىق ورىندار مەن اۋلالاردى تازالاۋ جۇمىستارى جالعاسا بەرەدى. سونداي-اق جاسىل جەلەكتەردى كۇتىپ ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ شارۋالارى دا توقتامايدى.
