فوتو: gov.kz
گرانت يەگەرلەرىنىڭ ءتىزىمى 3 تامىز كۇنى, ساعات 11: 00-دە جاريالانادى.
«ساپالى جانە قاجىرلى قىزمەتى ءۇشىن كوميسسيا مۇشەلەرىنە شەكسىز العىسىمدى بىلدىرەمىن! ارى قاراي تالاپكەرلەردىڭ ۇبت-دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە ءبىلىم بەرۋ گرانتتارى تاعايىندالاتىن بولادى.
تالاپكەرلەردىڭ باسىم بولىگىنىڭ تاڭداۋى «پەداگوگيكالىق عىلىمدار», «ينجەنەرلىك, وڭدەۋ جانە قۇرىلىس سالالارى» جانە «اقپاراتتىق-كوممۋنيكاتسيالىق تەحنولوگيالار» باعىتتارىنداعى ماماندىقتارعا ءتۇستى», دەپ جازدى مينيستر.
تالاپكەرلەر اراسىنداعى گرانت يەگەرلەرىن انىقتايتىن كوميسسيا قۇرامىندا پارلامەنت دەپۋتاتتارى, مەملەكەتتىك ورگاندار, بiلiم سالاسى كاسiپوداقتارىنىڭ, «اتامەكەن» ۇلتتىق كاسiپكەرلەر پالاتاسىنىڭ, جوعارعى وقۋ ورىندارى قاۋىمداستىعىنىڭ, قوعامدىق ۇيىمداردىڭ وكىلدەرى جۇمىس ىستەگەن.
كونكۋرستىق ىرiكتەۋدiڭ قورىتىندىسى عىلىم جانە جوعارى ءبىلىم مينيسترلىگىنىڭ رەسمي سايتىندا جانە Telegram ارناسىندا 3 تامىز كۇنى ساعات 11.00-دە جاريالانادى, سونداي-اق ۇلتتىق تەستىلەۋ ورتالىعىنىڭ Telegram ارناسى مەن ستۋدەنتتەرگە ارنالعان اقپاراتتىق انىقتامالىق پورتال mapp.kz سايتىندا جاريالانادى.
ال جوعارى وقۋ ورىندارىنا قۇجاتتاردى قابىلداۋ 25 تامىزدا اياقتالادى.
