فوتو: الماتى سوتتارى
بۇعان دەيىن ءبىرىنشى ساتىداعى سوت م.-نى اسا ءىرى مولشەردە پسيحوتروپتىق زاتتى زاڭسىز الۋ, ساقتاۋ جانە تاسىمالداۋ, سونداي-اق 52 ەپيزود بويىنشا جەڭگەيتايلىقپەن اينالىسۋ بويىنشا كىنالى دەپ تانىپ, 6,5 جىلعا باس بوستاندىعىنان ايىرۋ جازاسىن تاعايىنداعان.
ال ت. 12 ەپيزود بويىنشا جەڭگەتايلىققا كومەكتەستى دەپ تانىلىپ, ونى 3 جىل 8 ايعا باس بوستاندىعىنان ايىردى.
سوتتالۋشىلار ۇكىمگە اپەللياتسيالىق شاعىم بەرگەن.
اپەللياتسيا, قىلمىستىق ءىستى زەرتتەي وتىرىپ, سوتتالعاندارعا قاتىستى ايىپتاۋلار تولىق دالەلدەنگەنىن راستادى.
2023 جىلدىڭ مامىر ايىندا م., اسا ءىرى مولشەردە «مەفەدرون» پسيحوتروپتىق زاتىن زاڭسىز ساتىپ الىپ, تاسىمالداعان. ۇستاۋ كەزىندە پوليتسيا قىزمەتكەرلەرى سوتتالۋشىنىڭ سومكەسىنەن پسيحوتروپتىق زاتتى تاركىلەگەن.
2020-2023 جىلدار ارالىعىندا م., ت.-مەن بىرگە جەنگەتايلىق ۇيىمداستىرىپ, قىزداردى ينتيمدىك قىزمەت كورسەتۋ ءۇشىن پايدالانعان. م. وسى قىزمەتتەردەن جەكە وزىنە نەمەسە ءوز كومەكشىسى ت. ارقىلى پايىز الىپ وتىرعان.
سوتتالۋشىلاردىڭ كىناسى كۋالاردىڭ ايعاقتارىمەن, ساراپتامالىق قورىتىندىلارمەن جانە ءىس بويىنشا باسقا دا ماتەريالدارمەن دالەلدەندى.
اپەللياتسيا ۇكىمدى وزگەرىسسىز قالدىردى. سوت ۇكىمى زاڭدى كۇشىنە ەندى.
