فوتو: اتىراۋ ونلاين تەلەگرام ارناسى
4 شىلدە كۇنى اتىراۋداعى جەڭىس ساياباعىندا مىعىم بەكىتىلمەگەن بيۋست قىز بالانىڭ ۇستىنە قۇلاپ, سالدارىنان قايتىس بولدى.
ءبىر اپتادان كەيىن, 10 شىلدەدە بالاباقشادا بالا سەپتيككە قۇلاپ, ءتورت كۇننەن كەيىن كوز جۇمدى.
14 شىلدەدە قالالىق ورتالىق باسسەيندە قىز بالا سۋعا باتىپ كەتكەن, ال 26 شىلدەدە سۋبۇرقاقتا (فونتان) تاعى ءبىر قىز بالا سورعىنىڭ (ناسوس) سالدارىنان قايتىس بولعان.
27 شىلدەدە قىزىلقوعا اۋدانىنىڭ ساعىز اۋىلىندا ءجاسوسپىرىم موتوتسيكلمەن تۇيەگە سوقتىعىسىپ, العان جاراقاتتارىنان قايتىس بولدى.
28 شىلدە كۇنى اتىراۋداعى كوپقاباتتى ۇيلەردىڭ بىرىنەن 15 جاسار وقۋشى تەرەزەدەن سەكىرىپ, ءوز-وزىنە قول جۇمساعان.
ء«اربىر ءىس ءبىزدىڭ ەرەكشە باقىلاۋىمىزدا. قازىرگى ۋاقىتتا قايعىلى وقيعالارعا سەبەپ بولعان تۇلعالاردى انىقتاۋ جانە ولاردى جاۋاپقا تارتۋ ماقساتىندا شارالار جۇرگىزىلىپ جاتىر. بالالاردىڭ قاۋىپسىزدىگىن قامتاماسىز ەتۋ ماقساتىندا, مۇنداي فاكتىلەردى بولدىرماۋعا جانە الداعى ۋاقىتتا قايتالانباۋ ءۇشىن بارلىق جاعدايلار جاسالادى», دەدى اتىراۋ وبلىسىنىڭ پروكۋرورى باۋىرجان جۇماقانوۆ.
قازىرگى ۋاقىتتا وبلىس كولەمىندە «باقىتتى جانە قاۋىپسىز بالالىق شاق» جوباسى جۇزەگە اسىرىلىپ جاتىر. پروكۋرورلار قيىن تۇرمىستىق جاعدايعا تاپ بولعان 50-دەن استام وتباسىعا بارىپ, كامەلەتكە تولماعاندار اراسىندا قايىر سۇراۋ فاكتىلەرىن انىقتادى. وسى ىسكە قاتىستى اتا-انالار جاۋاپكەرشىلىككە تارتىلىپ جاتىر.
