اقتاۋدا شەنەۋنىك تۇتقىندالدى

اقتاۋ. 12 ماۋسىم. اقتاۋدا قالالىق تۇرعىن ءۇي كوممۋنالدىق شارۋاشىلىعى ءبولىم باستىعى, سوڭعى ۋاقىتتا قالا اكىمىنىڭ ورىنباسارى مىندەتىن ۋاقىتشا اتقارعان ساعىنعالي امانگەلديەۆ قاماۋعا الىندى. بۇل تۋرالى egemen.kz ءتىلشىسى حابارلادى. ۋاقىتشا وقشاۋلاۋ اباقتىسىندا وتىرعان شەنەۋنىككە قاتىستى ەكى قىلمىستىق ءىس قوزعالعان بولسا, ونىڭ بىرەۋى – پارا الۋ ايىبى بويىنشا. «مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى, 2015 جىلدىڭ 8 ماۋسىمىندا اقتاۋ قالاسى اكىمىنىڭ ورىنباسارى مىندەتىن اتقارۋشى, اقتاۋ قالالىق تۇرعىن ءۇي كوممۋنالدىق شارۋاشىلىعى جانە تۇرعىن ءۇي ينسپەكتسياسى ءبولىمىنىڭ باسشىسى 1969 جىلى تۋعان امانگەلديەۆ ساعىنعالي قالمۇحان ۇلىنىڭ تۇتقىندالعاندىعىن جانە وعان قاتىستى لاۋازىمدىق وكىلەتتىكتەردى تەرىس پايدالانۋ فاكتىسى بويىنشا سوتقا دەيىنگى تەرگەۋ امالدارىنىڭ جۇرگىزىلىپ جاتقاندىعىن راستايدى. تەرگەۋ امالدارى جۇرگىزىلۋى سەبەپتى بۇدان باسقا اقپارات جاريا ەتىلمەيدى», – دەيدى ماڭعىستاۋ وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ ءبولىم باسشىسى ەربول جۇماباي. گۇلايىم شىنتەمىرقىزى. دەرەك: egemen.kz. سۋرەت: today.kz.