فۋتبول. بۇگىن الماتىدا قازاقستان قۇراماسى تۇركيانى قابىلدايدى

استانا. 12 ماۋسىم. بۇگىن فۋتبولدان 2016 جىلعى ەۋروپا چەمپيوناتىنا ىرىكتەۋ ءتۋرنيرى اياسىندا قازاقستان قۇراماسى تۇركيامەن كەزدەسەدى. الماتىداعى «ورتالىق» ستاديوندا وتەتىن ماتچ جەرگىلىكتى ۋاقىتپەن ساعات 22:00-دە باستالادى. بۇل تۋرالى egemen.kz حابارلادى. قازاقستان فۋتبول فەدەدەراتسياسى تاراتقان مالىمەتكە سۇيەنسەك, ۇلتتىق قۇرامانىڭ باس جاتتىقتىرۋشىسى يۋري كراسنوجان 26 فۋتبولشىنى تىزىمگە قوسقان. الايدا, جاراقاتىنا بايلانىستى بۇل ويىنعا تاڭات نوسەرباەۆ قاتىسا المايدى. ەسەسىنە, گەرمانيانىڭ ەكىنشى بۋندەس ليگاسىندا دوپ تەبەتىن گەنريح شميدتگال ساپقا قوسىلدى. ال تۇركيانىڭ باس جاتتىقتىرۋشىسى فاتيح تەرەم الماتىعا سايدىڭ تاسىنداي ىرىكتەلگەن فۋتبولشىلاردى الىپ كەلدى. سەبەبى, ءتۋرنيردىڭ فينالدىق كەزەڭىنە شىعۋ ءۇشىن تۇرىكتەرگە بۇل ماتچتا جەڭىس اۋاداي قاجەت. ايتا كەتەيىك, وسىعان دەيىن وتكەن 5 تۋر قورىتىندىسى بويىنشا قازاقستان جالعىز ۇپايمەن كوش سوڭىندا كەلەدى. ال 5 ۇپايى بار تۇرىكتەر 4-ساتىعا جايعاسقان. توپ باسىندا 13 ۇپايمەن چەحيا تۇر. ۇيىمداستىرۋشىلاردىڭ ايتۋىنشا, ازىرگە 17 مىڭ بيلەت ساتىلعان. بۇل ويىندى «قازاقستان» ۇلتتىق تەلەارناسى تىكەلەي ەفيردە كورسەتەدى دەپ جوسپارلانۋدا. ەلامان قوڭىر. دەرەك: egemen.kz. سۋرەت: kff.kz.