فوتو: olympic.kz
ۇوك پاريج وليمپياداسىندا 63,5 كەلى سالماقتا جۇدىرىقتاسقان مۇحاممەدسابىر بازارباي ۇلى مەن گرۋزيالىق لاشا گۋرۋلي اراسىنداعى جەكپە-جەك ناتيجەسىن ءتۇسىندىرۋدى تالاپ ەتىپ, رەسمي تۇردە PBU-عا (Paris boxing Unit) شاعىم ءتۇسىردى.
ء«بىز بۇل ناتيجەمەن كەلىسپەيمىز جانە PBU-دان تۇسىنىكتىمە تالاپ ەتتىك. بۇدان حالىقارالىق وليمپيادالىق كوميتەت تە حاباردار. ءبىزدىڭ ويىمىزشا, ەل بوكسشىسى 2024 جىلعى وليمپيادانىڭ جارتىلاي فينالىنا جولداما بەرەتىن ماڭىزدى كەزدەسۋدە جەڭىسكە جەتتى. وتكەن جەكپە-جەكتىڭ ناتيجەسىن قايتا قاراۋ مۇمكىن ەمەستىگىن دە تۇسىنەمىز. الايدا ءبىز ءىرى حالىقارالىق جارىستاعى تورەلىك ءادىل ءارى تازا بولعانىن قالايمىز», دەدى قازاقستان ۇوك باس حاتشىسى جانار ۋتەشەۆا.
ايتا كەتەيىك, بۇل شاعىم وتكەن كەزدەسۋدىڭ ناتيجەسىن وزگەرتپەيدى. دەسە دە تورەشىنىڭ بۇرمالاۋى ايعاقتالسا ول بوكس باسەكەلەرىندە قازىلىق ەتۋدەن شەتتەتىلەدى.
ۇوك بۇعان دەيىن دە قازاقستان بوكسشىلارىنىڭ جەكپە-جەگىندە تورەلىك ەتكەن جەكەلەگەن تورەشىلەرگە قاتىستى PBU-عا ەسكەرتۋ جاساعان. كوميتەت ەسكەرتۋ قابىلدانىپ, قازىرگى تاڭدا زەرتتەۋ جۇرگىزىلىپ جاتقانىن جەتكىزدى.
