فوتو: gov.kz
جۇلدە قورى 24 900 000 تەڭگەنى قۇرايتىن جارىس قۇنان بايگە, توپ بايگە, الامان بايگە مەن جورعا جارىس سياقتى 4 ءتۇر بويىنشا وتەدى.
«قازىر بايگەدەن قازاقستان كومانداسىن جاساقتاۋ پروتسەسى ءجۇرىپ جاتىر. 3 جانە 11 تامىزدا پاۆلودار مەن الماتى قالالارىندا ىرىكتەۋ وتەدى. سولاردىڭ ناتيجەسى بويىنشا 5-ءشى دۇنيەجۇزىلىك كوشپەلىلەر ويىندارىنىڭ بايگە جارىسىنا قازاقستاننان قاتىساتىن جىلقىلار انىقتالادى. استاناداعى كوشپەلىلەر ويىندارىنىڭ بايگە جارىسىنا شامامەن 10 ەلدىڭ وكىلى قاتىسادى دەپ كۇتىلىپ وتىر. ولاردىڭ قاتارىندا موڭعوليا, قىرعىزستان, وزبەكستان, تاجىكستان, ازەربايجان, رەسەي فەدەراتسياسى مەن باسقالار بار», دەدى «بايگە فەدەراتسياسى» رقب ۆيتسە-پرەزيدەنتى جومارت سايبولاتوۆ.
ەسكە سالساق, رەسپۋبليكالىق بايگە فەدەراتسياسى ۇلتتىق سپورت قاۋىمداستىعىنىڭ قۇرامىنا كىرەدى. سونىمەن قاتار قاۋىمداستىق قۇرامىندا كوكپار, اۋدارىسپاق, ساداق اتۋ, جامبى اتۋ, تەڭگە ءىلۋ, قۇسبەگىلىك, اسىق اتۋ, «JORYQ» جانە تاعى باسقا فەدەراتسيالار بار. قاۋىمداستىقتى تانىمال كاسىپكەر, مەتسەنات, Altyn Qyran Foundation قوعامدىق قورى قامقورشىلىق كەڭەسىنىڭ توراعاسى يسلامبەك سالجانوۆ باسقارادى.
