فوتو: اقوردا
تامارا دۇيسەنوۆا الەۋمەتتىك سالاعا 14,5 تريلليون تەڭگە بولىنگەنىن جەتكىزدى. بۇل جالپى مەملەكەتتىك بيۋدجەتتىڭ 60 پايىزىن قۇرايدى.
پرەزيدەنتكە وتباسىنىڭ تسيفرلىق كارتاسى ارقىلى كورسەتىلەتىن قىزمەتتەر ازاماتتاردىڭ الەۋمەتتىك ساناتىنا قاراي دەربەس ۇسىنىلاتىنى تۋرالى باياندالدى.
پرەمەر-ءمينيستردىڭ ورىنباسارى بۇگىندە الەۋمەتتىك سالانى تسيفرلاندىرۋدىڭ دەڭگەيى قىزمەت الۋشىلاردى جانە ولارعا كورسەتىلگەن قىزمەت كولەمىن انىقتاپ قانا قويماي, مەملەكەتتىك قولداۋ شارالارىنىڭ قۇرىلىمىنا تۇزەتۋ ەنگىزۋگە مۇمكىندىك بەرەتىنىن ايتتى. اۋىر تۇرمىستىق جاعدايداعى وتباسىلارعا ارنالعان ۇتىمدى ءارى ءتيىمدى كومەك شارالارى ازىرلەنەدى.
قاسىم-جومارت توقاەۆقا ءبىلىم بەرۋ, مەديتسينالىق كومەك ساپاسىن ارتتىرۋ جانە الەۋمەتتىك نىساندار قۇرىلىسى مەن اۋىل تۇرعىندارىن قولداۋ بويىنشا ۇكىمەت تاراپىنان قولعا الىنعان جوبالار جايىندا مالىمەت بەرىلدى.
مەملەكەت باسشىسى قابىلدانعان شارالاردىڭ ماڭىزىن اتاپ ءوتىپ, اتالعان ۇسىنىستاردى قولدادى. سونداي-اق بۇعان دەيىن باستالعان جۇمىستاردى جۇيەلى تۇردە جالعاستىرۋدى تاپسىردى.
