اقمولا وبلىسى 100 پايىزعا جاقىنداپ كەلەدى

كوكشەتاۋ. 26 ءساۋىر. اقمولا وبلىسىنىڭ ەلەكتوراتى قازاقستان پرەزيدەنتىنىڭ سايلاۋى ءجۇرىپ جاتقان العاشقى دەرەك – ساعات 10.00-دەگى مالىمەت بويىنشا كوش باستاعان ەدى. سول ەكپىن جالعاسىن تاۋىپ وتىر. بۇل تۋرالى egemen.kz ءتىلشىسى حابارلادى. كەشكى ساعات 18.00-دەن وتە بەرە وبلىستىق سايلاۋ كوميسسياسىنا باس سۇققانىمىزدا, كوڭىل كوتەرەرلىك ماعلۇمات الدىق. وبلىستىق سايلاۋ كوميسسياسىنىڭ حاتشىسى گەننادي گلۋحوۆ قولعا ۇستاتقان قۇجاتتا جەرگىلىكتى 24 سايلاۋ ۋچاسكەسىندە داۋىس بەرۋ ويداعىداي اياقتالعان جازىلىپتى. ءوڭىر بويىنشا جالپى كورسەتكىش 94,81 پايىزعا جەتكەن ەكەن. تىزىمدەگى 462208 سايلاۋشىنىڭ 438209-ى ءوزىنىڭ ازاماتتىق پارىزىن وتەگەن. وبلىس ورتالىعىنان باسقا اۋدانداردىڭ بارلىعى 95 پايىزدىق كورسەتكىشتەن اسىپ وتىر. ال, 98,43 جانە 98,18 پايىزدىق ۇلەستى يەلەنگەن استراحان, زەرەندى اۋداندارى الدا كەلەدى. جەرلەستەرىمىز سوڭعى مالىمەتتىڭ دە سالماقتى بولاتىنىنان ءۇمىتتى. باقبەرگەن امالبەك. دەرەك: egemen.kz سۋرەت: تولەگەن قوسشىعۇلوۆ.