فوتو: Almaty.tv
بەيرەسمي دەرەكتەر بويىنشا قازاقستاندا 1500-دەن استام ومارتاشى بار. ولاردىڭ 320-عا جۋىعى عانا سەلەكتسيالىق-اسىل تۇقىمدى جۇمىستار جۇرگىزەدى, ياعني «Apislab» قوسىمشاسىنا تىركەلگەن.
Almaty.tv-ءدىڭ حابارلاۋىنشا قاعازعا جازىپ, ەسەپ جۇرگىزۋ الىنىپ تاستالماعان. اتالعان قوسىمشا – سالاداعى اقپاراتتى تسيفرلاندىرۋدى كوزدەيدى. «Apislab» جۇيەسىنىڭ نەگىزگى ماقساتى – ىرىكتەۋ جۇرگىزۋ ارقىلى ارانىڭ اسىل تۇقىمدى ءتۇرىن ساقتاپ قالۋ.
«ارانىڭ قاناتىن سكانەرلەپ, باعدارلاماعا جۇكتەيمىز. ءار قاناتىنىڭ بۇرىشىنداعى رەتى بويىنشا نۇكتە قويىپ شىعامىز. ول اۆتوماتتى تۇردە باعدارلامادا ەسەپتەلىپ, ناتيجە شىعادى. ياعني ارانىڭ تۇقىمى تۋرالى اقپارات بەرەدى», دەدى قازاق مال شارۋاشىلىعى جانە جەمشوپ ءوندىرىسى عىلىمي-زەرتتەۋ ينستيتۋتى ارا شارۋاشىلىعى ءبولىمىنىڭ مامانى گ ۇلىم حالىقوۆا.
قوسىمشانىڭ شاراپاتىن كورىپ وتىرعان شارۋاشىلىقتار دا بار. ولاردىڭ ايتۋلارىنشا بۇرىنعىداي قاعازعا جازىپ قينالماي, تەلەفون ارقىلى بارلىق اقپاراتتى ءبىلىپ وتىرۋعا بولادى.
