ەلىمىزدە ءدارى-دارمەكتىڭ باعاسىن ونلاين باقىلاۋعا بولاتىن قوسىمشا پايدا بولدى

«دەنساۋلىق ساقتاۋ مينيسترلىگى ازاماتتارعا ءدارى-دارمەكتىڭ شەكتى بولشەك ساۋدا باعاسىن باقىلاۋ ءۇشىن Dari.kz موبيلدىك قوسىمشاسىن پايدالانۋدى ۇسىنادى. بۇل ومىرلىك ماڭىزدى ءدارى-دارمەكتەرگە باعا بەلگىلەۋدىڭ قولجەتىمدىلىگى مەن ادىلدىگىن قامتاماسىز ەتۋگە مۇمكىندىك بەرەدى», دەلىنگەن حابارلامادا.

Dari.kz قالاي جۇمىس ىستەيدى؟

Dari.kz قوسىمشاسىنىڭ كومەگىمەن پايدالانۋشىلار باعا ساياساتىنىڭ بۇزىلۋى تۋرالى وڭاي جانە جىلدام حابارلاي الادى. بۇل ءۇشىن كەلەسىلەر جەتكىلىكتى:
1.⁠ ءدارى-دارمەكتىڭ تۇبىرتەگى مەن قاپتاماسىنىڭ سۋرەتىن جۇكتەڭىز.
2.⁠دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق باقىلاۋ كوميتەتىنىڭ اۋماقتىق دەپارتامەنتتەرىنە اۆتوماتتى تۇردە جىبەرىلەتىن ءوتىنىش جىبەرىڭىز.

سونىمەن قاتار ءدارى-دارمەكتەردى قولدانعاننان كەيىن پايدا بولعان جاناما اسەرلەر تۋرالى حابارلاۋعا مۇمكىندىك بەرەدى. بۇل ءدارى-دارمەكتەردىڭ ساپاسىن باقىلاۋدى جاقسارتۋعا كومەكتەسەدى.

دەنساۋلىق ساقتاۋ مينيسترلىگى بەلگىلەنگەن شەكتى بولشەك ساۋدا باعاسىنان اسىپ كەتكەنى ءۇشىن ايىپپۇلدار كوزدەلگەنىن ەسكە سالادى. «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسى 426-بابىنىڭ 1-بولىگىنە سايكەس مىناداي ايىپپۇلدار كوزدەلگەن:

•⁠ ⁠جەكە تۇلعالار: 70 اەك.
•⁠ ⁠لاۋازىمدى تۇلعالار: 100 اەك.
•⁠ ⁠شاعىن كاسىپكەرلىك سۋبەكتىلەرى: 130 اەك.
•⁠ ⁠ورتا كاسىپكەرلىك سۋبەكتىلەرى: 200 اەك.
•⁠ ء⁠ىرى كاسىپكەرلىك سۋبەكتىلەرى: 1000 اەك.

ايتا كەتەيىك, Dari.kz قوسىمشانى App Store جانە Google Play قوسىمشالارىنان تەگىن جۇكتەپ الۋعا بولادى.