فوتو: اشىق دەرەككوز
«مەن - وليمپيادا چەمپيونىمىن! ءوزىمنىڭ مەدال جيىنتىعىما تەك وسى ءبىر مەدال جەتپەي تۇردى. بۇل مەدالدى وسىعان دەيىن ەكى رەت ەكى جاعىنان كورىپ كەتتىم. قول سوزىم جەردە قالدىردىم. مىنە, ەندى وليمپيادانىڭ التىنى - مەنىكى. پاريجگە تەك التىن الۋعا بارعان ەدىم. ارمانىم ورىندالدى. شۇكىر, باقىتتىمىن! قانشا كۇننەن بەرى مەنى قۇتتىقتاپ, جىلى لەبىزدەرىڭىزدى, سىي-قۇرمەتتەرىڭىزدى ارناپ جاتقاندارىڭىزدى كورىپ وتىرمىن. بارشاڭىزعا اللا رازى بولسىن! كوپ راحمەت! سىزدەردىڭ قولداۋلارىڭىز, قازاق حالقىنىڭ قولداۋى مەن ءۇشىن قاشاندا ىستىق جانە الەمنىڭ قاي بۇرىشىندا كۇرەسسەم دە مەن ونى سەزەمىن. بۇل - قازاق سپورتىنىنىڭ, قازاق دزيۋدوسىنىڭ كوپتەن كۇتكەن تاريحي التىنى», دەپ جازدى ەلدوس سمەتوۆ الەۋمەتتىك جەلىدەگى پاراقشاسىندا.
ول 2024 جىلعى وليمپيادا ويىندارىنىڭ «التىنى» قازاق سپورتى مەن قازاق دزيۋدوسى ءۇشىن كوپتەن كۇتكەن تاريحي وقيعا ەكەنىن اتاپ ءوتتى.
«قاجىرلى ەڭبەك, ارمانعا دەگەن ادالدىق, ماقساتقا دەگەن باتىل قادامدار, جاراقاتقا توتەپ بەرۋ, تالاپ, ديستسيپلينا مەنى وسى شىڭدى باعىندىرۋعا بەتتەدى. ءبىزدىڭ وليمپيادا جولىمىز ءۇش بولىمنەن تۇراتىن ۇزاق ساپار بولدى. وسى ۋاقىت ارالىعىندا ماعان قولداۋ كورسەتكەن, جىگەرىمدى جانشىماي ۇنەمى جانىمنان تابىلعان, سەنگەن, دەمەگەن اۋەلى اتا-اناما, وتباسى-باۋىرلارىما, اسىل جارىما, بالالارىما شەكسىز راحمەتىمدى ايتامىن. ارينە, جەكە باپكەرىم, ەكىنشى اكەم عالىمجان اعايدىڭ ەڭبەگىن سيپاتتاۋعا ءسوز جەتپەيدى. كاسىبي سپورتشىلاردى قولداپ وتىرعان مەملەكەتىمىزگە, قازاقستان دزيۋدو فەدەراتسياسىنا جانە «دينامو» ۇجىمىنا, ءوزىمنىڭ Jenys كلۋبىما ريزاشىلىعىمدى جەتكىزگىم كەلەدى», دەپ تۇيىندەدى وليمپيادا چەمپيونى.
