فوتو: democrat.kz
30 ءساۋىر - الەمدىك ادام ساۋداسىنا قارسى كۇرەس كۇنى. قىمبات دوسجان وسى داتا اياسىندا 20 جىل الدىن جانىبەكتى نازىك جاندىلار شەتەل اسىرعانى جازىلعان جازبا جاريالادى.
«2004 جىل, تامىز ايى. وسىدان تۋرا 20 جىل بۇرىن قازاق بالاسى @muratsaveliev تۋعان جەرىنەن جىراققا كەتتى. ەگەر «سول كەزدە بىلگەنىمدە, ارقالىقتان پويىزبەن استاناعا, سوسىن الماتىعا, ارتىنشا بەلگياعا اكەتىلگەن جانىبەكتى جىبەرمەۋگە بار كۇشتى سالار ما ەدىم» دەپ ويلايمىن, ويتكەنى بالانىڭ قۇجاتتارىن زاڭدى (سول ۋاقىتتاعى زاڭدى) ورەسكەل بۇزا وتىرىپ جاساعان. 20 جىل بۇرىن قازاقتىڭ ايەلدەرى (ارقالىق پەرزەنتحاناسى, سابيلەر ءۇيى, قورعانشىلىق ءبولىمى (وپەكا) قالالىق سوتتىڭ اۋدارماشىسى - وسى قىلمىستى جاساعانداردىڭ ءبارى ايەل - «انالار») جانىبەكتى 12 000 اقش دوللارىنا ساتىپ جىبەردى. قازىر قازاقستان ادام ساۋداسىنا قاتىستى زاڭنامانى كۇشەيتتى, دەمەك, كامەلەتكە تولماعانداردى ساتقان ادامداردىڭ جازاسىن الاتىن كۇن جاقىندادى دەگەن ءسوز.
بۇگىن, 30 شىلدە الەمدىك ادام ساۋداسىنا قارسى كۇرەس كۇنى. ال بالا ساۋداسى كيبەركەڭىستىكتە ءالى دە قىزىپ تۇر», دەپ جازدى جۋرناليست.
بۇعان دەيىن جانىبەكتىڭ اناسى بولۋى مۇمكىن ايەلدىڭ ەسىمى جاريالانعان ەدى. قىمبات دوسجان وسى ىسپەن اينالىساتىن تەرگەۋشى كوكشەتاۋعا جول تارتقانىن دا حابارلادى.
