فوتو: total.kz
ۇكىمەت مالىمەتىنشە, بيىل رەسپۋبليكا اۋماعىندا 161 ورمان ءورتى تىركەلگەنىن اتاپ ءوتتى. وتكەن جىلمەن سالىستىرعاندا ءورت سانى 4 ەسەگە ازايعان.
ء«ورت سانى ايتارلىقتاي تومەندەدى. سوعان قاراماستان ءتىلسىز جاۋدىڭ تابيعي وشاقتارى كۇن سايىن تىركەلىپ جاتىر. ماسەلەن, ىلە-بالقاش رەزەرۆاتىنىڭ اۋماعىنداعى 2,5 مىڭ گەكتار ورتەنگەن قامىستى ءسوندىرۋ جۇمىستارى 10 كۇنگە سوزىلدى. جامبىل وبلىسىنىڭ سارىقوپا جانە لۋگوۆوە ورمان شارۋاشىلىقتارىندا 1,8 گەكتار اۋماقتى ءورت شالدى. ۋاقتىلى جۇرگىزىلگەن شارالاردىڭ ارقاسىندا بۇل ورتتەر ورمان قورىنا جايىلعان جوق جانە ادامدار امان-ەسەن», دەدى پرەمەر-مينيستر.
ولجاس بەكتەنوۆ توتەنشە جاعدايلار مينيسترلىگىنە ەكولوگيا مينيسترلىگىمەن جانە اكىمدىكتەرمەن بىرلەسىپ وسى باعىتتاعى پروفيلاكتيكالىق جۇمىستى كۇشەيتۋدى تاپسىردى.
