اقتاۋ. 22 قاڭتار. «نۇر وتان» پارتياسى ماڭعىستاۋ وبلىستىق فيليالىنىڭ «جاس وتان» جاستار قاناتىنىڭ مۇشەلەرى ارداگەرلەرگە كومەك كورسەتۋدە. بۇل تۋرالى egemen.kz ءتىلشىسى حابارلادى.
جاستار «ارداگەرلەردى ارداقتايىق» جوباسى اياسىندا ماڭعىستاۋ وبلىسىنداعى كوپتەگەن ارداگەر اتا-اجەلەرىمىزگە جاردەمدەستى. سولاردىڭ ءبىرى – اقتاۋ قالاسىنا قاراستى ومىرزاق اۋىلىنىڭ تۇرعىنى, ارداگەر قوناشەۆ داۋىلتاي اتا. ەرىكتى جاستار 91 جاستاعى جالعىز باستى قارت كىسى ءۇيىنىڭ اۋلاسىن تازارتىپ, قوقىستارىن شىعارىپ, شاشىلىپ جاتقان تەمىر-تەرسەكتەردى جيناقتادى. اۋلادان 8 قاپ قوقىس, بىرنەشە تال سىنىقتارى شىعارىلدى.
سوعىس جىلدارىندا تالاي قاسىرەتتى باستان وتكىزگەن اقساقال, ەندى ونداي سوعىستىڭ بولماۋىن تىلەيدى. كومەكشىسى جوق قاريا جاستاردىڭ كەلىپ, كومەك كورسەتكەنىنە ريزا بولدى. «مەنى جاستاردىڭ كەلىپ, حال-جاعدايىمدى سۇراعانىنىڭ ءوزى قۋانتادى», – دەپ قۋانىشىن جەتكىزگەن اتا اقىل كەڭەسى مەن ىستىق لەبىزىن اياعان جوق. جاستار دا ءوز كەزەگىندە بيىلعى جەڭىستىڭ 70 جىلدىعىمەن قۇتتىقتاۋلارىن جەتكىزدى.
گۇلايىم شىنتەمىرقىزى.
دەرەك, سۋرەت: egemen.kz.
