فوتو: قىزىلوردا وبلىستىق تجد
جارىلىس سالدارىنان ءۇيدىڭ توبەسى دە وپىرىلىپ تۇسكەن. اۋەلى كومەككە سول كوشە تۇرعىندارى كەلىپ, ءتورت ءجاسوسپىرىمدى قۇتقارىپ قالعان. زارداپ شەككەندەر وبلىستىق بالالار اۋرۋحاناسىنا جەتكىزىلگەن.
بالالار تراۆماتولوگى ولجاس قۇرعامبايدىڭ ايتۋىنشا, گاز جارىلىسىنان 2 ۇل مەن 2 قىز اۋىر جاراقات العان, دەنەلەرىنىڭ 50-70 پايىزىن كۇيىك شالعان.
Qazaqstan.tv حابارلاعانداي, ءورت سوندىرۋشىلەر جالىننىڭ ورتاسىنان ءبۇتىن گاز باللونىن دا الىپ شىققان. ال ماماندار ۇيدەگى جارىلىس تابيعي گازدان بولعانىن راستاپ وتىر. وقىس وقيعانىڭ ءمان-جايى ساراپتامادان كەيىن بەلگىلى بولادى.
