فوتو: primeminister.kz
مەملەكەت باسشىسىنىڭ تاپسىرماسى بويىنشا ەلىمىزدە اتالعان جوبا ىسكە اسىرىلىپ جاتقانى ءمالىم.
بۇل رەتتە وتاندىق ءوندىرىس ماتەريالدارىنىڭ ۇلەسى ورتا ەسەپپەن 70% قۇرايدى, ونىڭ ىشىندە قۇرىلىس ماتەريالدارى 90%-عا دەيىن. جيھازدار وتاندىق وندىرىستەن عانا قاراستىرىلعان.
«Samruk-Kazyna Construction» اق باسقارما توراعاسى م.ايمانبەتوۆ بايانداعانداي, العاشقى نىسانداردى ىسكە قوسۋ بەلگىلەنگەن مەرزىمنەن بۇرىن اياقتالعان. ياعني, 21 جايلى مەكتەپ تامىز ايىندا وقۋ جىلى باستالعانعا دەيىن اشىلادى. بۇدان ءارى جوسپارعا سايكەس قىركۇيەك ايىندا 18 مەكتەپ, قازان ايىندا تاعى 58 جانە جىل سوڭىنا دەيىن 112 مەكتەپ اشىلادى. سونىمەن قاتار ەلىمىزدە ءتۇرلى قارجى كوزدەرى ەسەبىنەن 85 مەكتەپتىڭ قۇرىلىسى جۇرگىزىلىپ جاتىر, ونىڭ ىشىندە 8 مەكتەپ پايدالانۋعا بەرىلدى جانە 30-دان استام مەكتەپتى جاڭا وقۋ جىلى باستالعانعا دەيىن سالۋ جوسپارلانىپ وتىر.
جينالىس بارىسىندا رومان سكليار ۋاكىلەتتى مەملەكەتتىك ورگاندار مەن ۇيىمدارعا وتاندىق وندىرۋشىلەردى بارىنشا تارتۋ, قۇرىلىستىڭ ساپاسىنا قاتاڭ باقىلاۋ جاساۋ, پايدالانۋعا بەرۋدىڭ بەلگىلەنگەن جوسپارىن ساقتاۋ بويىنشا شارالاردى قامتاماسىز ەتۋدى تاپسىردى.
