«سايلاۋ بەرىك بىرلىگىمىزدى تانىتتى»

پەتروپاۆل. 26 ءساۋىر. سولتۇستىك قازاقستان وبلىسىندا سايلاۋدا جاستار دا بەلسەندىلىك تانىتتى. سولاردىڭ قاتارىندا جاس مامان دوسجان نۇرپەيىسوۆ تە بيىلعى سايلاۋعا قاتىسىپ, ازاماتتىق پارىزىن ورىندادى. سايلاۋ كەزىندە بىزبەن اڭگىمەسىندە ول سايلاۋدىڭ ءمانى مەن ماڭىزى تۋرالى ەگجەي-تەگجەي ايتىپ بەردى. بۇل تۋرالى egemen.kz ءتىلشىسى حابارلادى. «بۇگىندە ادامزاتتى  تولعاندىراتىن الەمدىك ماسەلەلەر جەتىپ ارتىلادى. قارجىلىق داعدارىسقا ۇرىنعان ءبىراز ەلدەر  ونىڭ قۇرساۋىنان قالاي شىعارىن بىلمەي دال. اينالانى قورقىنىش تۇمشالاپ, ادام جانىن ۇرەي بيلەگەن مەزەتتە شاراسىزدىققا ءتۇسىپ, تۋرا جولدان اداساتىن ساتتەر ءجيى كەزىگەدى. قازاقتا «اپات ايتىپ كەلمەيدى» دەگەن ءسوز بار. ونىڭ قاۋىپتى وشاقتارى  رۋحاني ومىرىمىزگە  دەندەپ ەنىپ, جەگى قۇرتتاي جايلاپ بارادى. اسىرەسە,   دىني ەكسترەميستىك, تەرروريستىك باعىتتارداعى نەشە الۋان ۇيىمدار   قاتارىنا  كوبىنە جاستاردى  تارتىپ, وي-ساناسىن ۋلاپ جاتاتىندىعى سەسكەندىرەدى.  وعان قارسى كۇرەستىڭ بىردەن-ءبىر جولى–جاستارىمىزدىڭ ساۋاتتى, كوزى اشىق بولۋى.  بىردەن-ءبىر توسقاۋىلى – وتانشىلدىق  قاسيەتتى بويعا قوندىرۋ.  ماڭگىلىك ەل يدەياسىنىڭ ءتۇپ-توركىنىنە ءۇڭىلىپ, تەرەڭىنە بويلاعان جان قاراقان باستىڭ «باقىتىنان» گورى ەلدىك ماسەلەلەردى ءبىرىنشى ورىنعا قويادى.  ەشقانداي جاڭساقتىققا, الداۋ-ارباۋعا ۇرىنبايدى», - دەيدى دوسجان نۇرپەيىسوۆ. سونىمەن بىرگە ول ماسەلەنىڭ ەكىنشى جاعى تابيعي اپاتتارعا كەلىپ تىرەلەتىنىن ايتتى. «الدىڭعىسى سۇراپ العان «باس اۋرۋىمىز» بولسا, سوڭعىسى عايىپتان تونگەن ناۋبەت.  ەكەۋىنىڭ دە ەمى–بىرەۋ-اق . ول قانداي قاۋىپ-قاتەرلەرگە بولسىن جۇرتتشىلىق بولىپ كۇرەسۋ  «جۇت–جەتى اعايىندى» دەپ تەگىن ايتىلماعان. قاي قايسىسى بولسىن اكەلەتىنى –قايعى-قاسىرەت, ەكونوميكالىق زالال.  سونىڭ ءبىرى–توپان سۋ. ونىڭ  زارداپتارىن قازاقستاننىڭ بىرقاتار ايماقتارى بيىل قاتتى  تارتتى.  قاردىڭ مول ءتۇسۋى جانە جىلدام ەرۋى سالدارىنان  يمانتاۋ  اۋىلىن دا قارعىن  سۋ شايىپ, ابىگەرگە تۇسىرگەنىمەن, جەرگىلىكتى بيلىكتىڭ دەر كەزىندە كومەككە كەلۋىنىڭ ارقاسىندا  «ءتىلسىز جاۋ» تەز-اق تويتارىلدى. شىعىندار قالپىنا كەلتىرىلدى. ب ۇلىنگەن نىساندار مەن جولدار  جوندەلدى. قالىپتى تىرشىلىك ءوز ارناسىنا ءتۇستى.   توپان سۋدىڭ اۋىر زارداپتارىن شەككەن وزگە ايماقتارعا دا ۇكىمەت, جۇرتشىلىق كومەك قولىن سوزۋدا. تابيعاتتىڭ  توسىن  مىنەزى  كۇندەلىكتى تىنىس-تىرشىلىگىمىزگە نۇقسان كەلتىرىپ, بىرلىگىمىزگە ەشقانداي سىزات  تۇسىرە الماسى انىق.  ورنىندا بار وڭالار. قيسايعان تۇزەلەر. ىرىس تولىعار. ەڭ باستىسى, ەلىمىزدىڭ  اماندىعى. ەلدە بولسا, ەشكىم جۇتامايدى, تارىنشىلىق كورمەيدى.    اۋىلدىقتاردىڭ قيىندىققا قايىسپايتىن,  بارعا-قاناعات, جوققا سالاۋات دەيتىن مارتتىگىن  ۇلكەن ساياسي بەلسەندىلىكپەن اتاپ  وتىلگەن پرەزيدەنتتىك سايلاۋ انىق بايقاتتى.  ەلدى مەكەن تۇرعىندارى بۇل جولى دا  توپتاسقاندىقتىڭ بەرىك ۇلگىسىن تانىتىپ,  ءوز تاڭداۋلارىن جاسادى.   ساياسي شارا ۇلكەن  ۇيىمشىلدىقپەن اتقارىلدى. مىنە,  «بىرلىگى بار ەل وزادى, بىرلىگى جوق ەل بورلاي توزادى» دەگەن وسى!», - دەيدى جاس مامان. ءومىر ەسقالي. دەرەك, سۋرەت: egemen.kz