اتاپ ايتساق, «دوكتور سترەنج», «كازينو رويال» فيلمدەرىندە باستى ءرولدى سومداعان مادس ميككەلسەن قاتىسىپ وتىر. ودان بولەك, چاك رەۆيۋ (دانيل لازارەنكوۆ) جانە اناستاسيز (اناستاسيا بۋرچۋلادزە) بەينەبلوگەرلەرى, دۋبلياج اكتەرلەرى ۆسەۆولود كۋزنەتسوۆ, پەتر گلانتس, يسلام گاندجاەۆ, ەگور ۆاسيلەۆ بار.
فەستيۆال باعدارلاماسىندا كەزدەسۋلەر مەن اۆتوگراف سەسسيالارى, ارنايى كورسەتىلىمدەر مەن تۇساۋكەسەرلەر, كوسپلەي-شوۋ, كوميكس اللەياسى, مۋزىكالىق ورىنداۋشىلار مەن بي توپتارىنىڭ قويىلىمدارى جوسپارلانعان. ەرەكشە فورماتتاعى جوبا كرەاتيۆتى يدەيالارعا تولى. الەمدىك ستۋديالار فەستيۆال الاڭىندا وزدەرىنىڭ ينتەراكتيۆتى جانە ويىن-ساۋىق ستەندتەرىن ۇسىنادى. فەستيۆال شوۋ-باعدارلاماسىنىڭ ءداستۇرلى ەلەمەنتى – ەۋروپانىڭ تانىمال قازىلار القاسىنىڭ مۇشەلەرى جانە جۇلدە قورى 12 000 000 تەڭگەنى قۇرايتىن حالىقارالىق كوسپلەي بايقاۋى بولماق.
ۇيىمداستىرۋشىلاردىڭ ايتۋىنشا, فەستيۆال اياسىندا ەلىمىزگە 5 مىڭعا جۋىق تۋريست كەلەدى دەپ جوسپارلانعان.
«اتالعان فەستيۆال ەلوردادا العاش رەت 2019 جىلى وتكەن ەدى. ودان كەيىن 2023 جىلى جانە بيىل ءۇشىنشى رەت ۇيىمداستىرىلىپ وتىر. ەرەكشە جوبانىڭ ماقساتى – استانانى الەمگە تانىتىپ, تۋريزم سالاسىن دامىتۋ. بىلتىر 50 مىڭنان استام ادامدى قابىلداعان ەدىك. بۇگىن 45 مىڭنان استام بيلەت ساتىلدى. جەتى جاسقا دەيىنگى بالالار تەگىن كىرەدى, وسىلايشا شامامەن 100 مىڭعا جۋىق ادام بولادى دەپ جوسپارلاپ وتىرمىز. مۇنداي فەستيۆال الەمدە اۋقىمدى تۇردە وتە بەرمەيدى. سوندىقتان الىس-جاقىن شەتەلدەردەن دە 3-5 مىڭ قوناق كەلدى. ارينە, شەكارالاس جاقىن ەلدەردەن كوبىرەك كەلەدى. فەستيۆال نەگىزىنەن دەمەۋشىلەر ەسەبىنەن جۇرگىزىلەدى», دەيدى استانا قالاسى ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭاباي.
مادەني جوبانىڭ باستى جۇلدەسىنە قاتىسۋعا 14 ەلدىڭ كوسپلەيشىلەرى ءوتىنىش بىلدىرگەن. ماسەلەن, قازاقستان, قىرعىزستان, وزبەكستان, ازەربايجان, بەلارۋس, رەسەي, ءباا, قىتاي, گۇرجىستان, چەرنوگوريا, ۇلىبريتانيا, ارمەنيا, كيپر جانە تايلاند. كوسپلەي بايقاۋىندا قازىلار القاسى قۇرامىندا دانيادان كەلگەن كوسپلەيشى جانە كوستيۋم شەبەرى Trine, حالىقارالىق چەمپيوناتتاردىڭ بىرنەشە دۇركىن جەڭىمپازى, فرانتسيادان كەلگەن كوسپلەيشى Cinderys, سونىمەن قاتار تاجىريبەسى مول كوسپلەيشى, «Comic Con Astana» 2023 كوسپلەي بايقاۋىنىڭ جەڭىمپازى Keller بار.
جوعارىدا اتاپ وتكەنىمىزدەي, فەستيۆالدىڭ باستى حەدلاينەرلەرىنىڭ ءبىرى – «گاننيبال» سەريالىمەن, سونداي-اق «دوكتور سترەنج», «كازينو رويال», «Rogue One: A Star Wars Story», «Indiana Jones and the Dial of Destiny» فيلمدەرىمەن تانىمال دات اكتەرى مادس ميككەلسەن بولماق. سونداي-اق تمد ەلدەرىنە تانىمال «سلوۆو پاتسانا. كروۆ نا اسفالتە» سەريالىندا باستى رولدەردىڭ ءبىرىن سومداعان اكتەر رۋزيل مينەكاەۆ كونۆەنتكە قاتىسادى.
كوپتەگەن كورەرمەننىڭ جانارىن جاۋلاعان دورامالار مەن كورەي فيلمدەرىن اۋدارۋعا جانە دۋبلياج جاساۋعا ماماندانعان تانىمال «SoftBox» ستۋدياسىنىڭ نەگىزىن سالۋشى «حانزادا ليمون مەن اكونيا» ەسىمىمەن تانىلعان يۋري جانە ارۋنا كيم دە ارنايى كەلەدى.
پروديۋسەر, سۋرەتشى, survival horror جانە ۆيزۋال حوررور جانرىنداعى «زايچيك» كومپيۋتەر ويىنىنىڭ اۆتورى Saikono Joker, «ۆەدماك» جانكۇيەرلەرى ءۇشىن Maul Cosplay اتىمەن تانىمال گەرمانيادان كەلگەن اتاقتى گەرالت كوسپلەيشىسى بەن شامنىڭ قاتىسۋى دا ۇلكەن وقيعا بولىپ وتىر.
ودان بولەك, «JKS Entertainment» پروديۋسەرلىك كومپانياسىنىڭ بلوگەرلەرى (حوما, الينا, اداليات, ايدا جانە راحات), اكتەر اسەل ساعاتوۆا, سانجار ءمادي, گۇلنار سىلباەۆا جانە دينا تاسبولاتوۆا كەلۋشىلەرمەن سۇحباتتاسىپ, قوناقتارعا قولتاڭبا-سەسسيا وتكىزەدى. سونداي-اق قازاقستاندىق قوناقتاردىڭ اراسىندا رەجيسسەر ايسۇلتان سەيىتوۆ بار.
شىعارماشىلىق دودا بارىسىندا «پريگوۆور» فيلم اۆتورلارىنىڭ جاڭا «Jurek» جوباسىنىڭ تۇساۋكەسەرى جوسپارلانعان. تانىمال 3D Cinematic ءارتىس جانە كونتەنت-كرەاتور فەوكتيست الەكسەەۆ (Design by FEO) ءوزىنىڭ جاڭا «Bulletproof» انيماتسيالىق مۋلتسەريالىن ۇسىنادى. سونداي-اق ء«Sاlem Entertainment» مەديا-كومپانياسى العاش رەت «Offside», «4 گرادۋس», «QARGA 2», «تىرنا», «نيانيا 2», «پاترۋل 7» سياقتى الداعى بىرنەشە جوباسىن جانە «ساكە», «پاترۋل» تولىقمەتراجدى فيلمدەرىن كورسەتپەك.
باعدارلاما اياسىندا گيك-جارمەڭكە, تانىمال اۆتورلاردىڭ دارىستەرى, ۇستەل ويىندارى, كيبەرسپورت قوندىرعىلارى ۇسىنىلادى. ءداستۇرلى تۇردە تالانتتى سۋرەتشىلەر, كىتاپ جانە كوميكس اۆتورلارى, يلليۋستراتورلار جانە كرەاتيۆ يندۋستريانىڭ باسقا دا بىرقاتار وكىلدەرى جۇمىستارىنىڭ كورمەسى – اۆتورلار اللەياسى وتەدى. كورمەدە انيمە, كوميكستەر, كىتاپتار, قولونەر بۇيىمدارى نەمەسە ەرەكشە تاۋارلار ساتىپ الۋعا بولادى. اۆتورلار اللەياسىنىڭ جۇمىسىنا 100-دەن استام اۆتور قاتىسادى. الەمنىڭ تۇكپىر-تۇكپىرىنەن شىعارماشىل جاستاردىڭ, دارىندى تالانتتاردىڭ باسىن قوسقان كرەاتيۆتى جوبا ەل مادەنيەتىنىڭ دامۋىنا ىقپال ەتەرى ءسوزسىز. ءداستۇرلى دودا 28 شىلدەگە دەيىن جالعاسادى.
