استانادا قازاق ءتىلىن ۇيرەتەتىن كىتاپتىڭ تۇساۋكەسەرى وتەدى

استانا. 22 قاڭتار. ەرتەڭ, 23 قاڭتاردا ساعات 11.00-دە ۇلتتىق اكادەميالىق كىتاپحانادا قانات تاسيبەكوۆتىڭ «سيتۋاتيۆنىي كازاحسكي ءىى ت., ديالوگي» كىتابىنىڭ تۇساۋكەسەرى وتەدى. بۇل تۋرالى egemen.kz ءتىلشىسى حابارلادى. اۆتوردىڭ بۇعان دەيىن «سيتۋاتيۆنىي كازاحسكي ءى ت., مير كازاحوۆ» دەپ اتالاتىن كىتابى 15 000 دانامەن جارىق كورىپ, قازاقستاندىق بەستسەللەرگە اينالعان. «ەكسپەرت كازاحستان» ينتەرنەت-پورتالىنىڭ الەۋمەتتىك زەرتتەۋى بويىنشا, قازاقستان حالقىنىڭ ۇلتتىق دۇنيەتانىمىن كورسەتەتىن 100 كىتاپتىڭ قاتارىنا ەنگەن. اۆتوردىڭ ءوزى قازاق ءتىلىن ۇيرەتۋدىڭ ادىستەمەسىن دامىتقان ەڭبەگى ءۇشىن «ءتىل جاناشىرى» قۇرمەت بەلگىسىمەن ماراپاتتالعان. «سيتۋاتيۆنىي كازاحسكي ءىى ت., ديالوگي» كىتابى اتى ايتىپ تۇرعانداي, وقۋلىقتارعا ارنالعان جاساندى تاقىرىپتاعى ديالوگتاردان تىس, ناعىز ومىردە كەزدەسەتىن سيتۋاتسيالىق جاعدايداعى سۇحباتتاردى قامتيدى. تۇساۋكەسەر كەزىندە قازاق ءتىلىن ۇيرەتۋدىڭ تىڭ ادىستەرى بويىنشا قىزىقتى ءارى ەركىن پىكىر الماسۋلار بولىپ, باق وكىلدىرىنىڭ سۇراقتارىنا جاۋاپتار بەرىلەدى. جولدىباي بازار. دەرەك: egemen.kz. سۋرەت: kazlib.nabrk.kz.