قىزىلوردادا قاسىپكەرلەردىڭ قۇقىعىن ءتيىمدى قورعالادى

استانا. 22 قاڭتار. قىزىلوردا وبلىسى كاسىپكەرلەر پالاتاسىنىڭ جانىنداعى كاسىپكەرلەردىڭ قۇقىعىن قورعاۋ كەڭەسى بۇگىندە كاسىپكەرلەردىڭ قورعاۋشىسىنا اينالدى. ماسەلەن, وتكەن جىلى كەڭەستە قارالعان ماڭىزدى ماسەلەلەردىڭ ناتيجەسىندە قىزىلوردالىق كاسىپكەرلەردىڭ 450 ملن.تەڭگەسى ءوز «قالتالارىندا» قالدى. بۇل تۋرالى وبلىستىق كاسىپكەرلەر پالاتاسىنىڭ ءباسپاسوز قىزمەتى حابارلادى. اتاپ ايتقاندا, وڭىردەگى «كەدەن Service» جشس كەدەن ورگاندارىمەن بەرىلگەن 350 ملن.تەڭگەگە سالىقتىق قارىزىن, ءوسىمپ ۇلىن وتەۋ تۋرالى ەسكەرتۋدىڭ زاڭدىلىعىنا قاتىستى, سونداي-اق «اسار» جانە «سارىبۇلاق» جشس-تەرى «قازترانسگازايماق» اق وبلىستىق فيليالىنىڭ تابيعي گازدى تۇتىنعانى ءۇشىن ۇسىنعان شوتىنىڭ زاڭدىلىعىنا قاتىستى شاعىمدانىپ كەلگەن بولاتىن. بۇل ماسەلەلەر كەڭەس وتىرىسىندا قارالىپ, سونىڭ قورىتىندىسىمەن اتالمىش كاسىپكەرلەردىڭ مۇددەسىن قورعاۋ جونىندە شەشىم قابىلداندى. كاسىپكەرلەر پالاتاسى قىزمەتكەرلەرىنىڭ اتقارعان جۇمىسىنىڭ ناتيجەسىندە قىزىلوردا وبلىسىنىڭ مامانداندىرىلعان ەكونوميكالىق سوتى كەدەن ورگانىمەن ۇسىنىلعان 350 ملن.تەڭگەگە قاتىستى ەسكەرتۋدى كەرى قايتارۋ, كەدەن ورگانىنىڭ لاۋازىمدى ادامدارىنا تارتىپتىك شارا كورۋ جونىندە, ەكىنشى ماسەلە بويىنشا ۇسىنىلعان شوتتى 78,3 جانە 96 پايىزعا دەيىن ازايتۋ تۋرالى شەشىم شىعاردى. بۇدان وزگە, كەڭەستە كاسىپكەرلەردىڭ زاڭدى قۇقىعىن شەكتەگەن «كرەك» اق-نا قاتىستى ماسەلە دە قارالىپ, ناتيجەسىندە ەنەرگيامەن جابدىقتاۋشى مەكەمەنىڭ كاسىپكەرلەرگە قاتىستى تالاپتارىنا وبلىستىق پروكۋراتۋرامەن نارازىلىق ءبىلدىرىلىپ, مەكەمەنىڭ ەرەجەسىندەگى كاسىپكەرلەردىڭ قۇقىعىنا شەكتەۋ قوياتىن تارماقتارىنا ءتيىستى وزگەرىستەر ەنگىزىلدى. ايتا كەتۋ كەرەك, قىزىلوردا وبلىسىنىڭ كاسىپكەرلەر پالاتاسى جانىنداعى كاسىپكەرلەردىڭ قۇقىعىن قورعاۋ كەڭەسى 2014 جىلعى 22 قاڭتاردا قۇرىلدى. كەڭەس قۇرامىندا كاسىپكەرلەر مەن كاسىپكەرلىك قاۋىمداستىقتارىنىڭ, باق-تىڭ وكىلدەرى مەن زاڭگەرلەر, سونداي-اق, قۇقىق قورعاۋ ورگاندارىنىڭ قىزمەتكەرلەرى ەنگىزىلگەن. جولدىباي بازار. دەرەك: قىزىلوردا وبلىستىق كاسىپكەرلەر پالاتاسىنىڭ ءباسپاسوز قىزمەتى. سۋرەت: strategy2050.kz.