24.KZ سايتىنىڭ مالىمەتىنە قاراعاندا, بۇل قۇجاتتى بالاسى مەكتەپكە نە بالاباقشاعا باراتىن اتا-انالار مىندەتتى تۇردە تولتىرىپ, تاپسىرۋى ءتيىس. ونلاين جۇيەگە مەديتسينالىق مالىمەتتەر ەنگىزىلەدى. تسيفرلى جوبانىڭ تاعى قانداي ارتىقشىلىعى بار؟ بالانىڭ ەلەكتروندى دەنساۋلىق پاسپورتى اتا-انانى ەڭ الدىمەن قاعازباستىلىقتان ارىلتادى. ونلاين جۇيەدە پروفيلاكتيكالىق ەكپەلەر مەن سكرينينگتەردىڭ قورىتىندىسى جازىلادى. قازىر دارىگەرلەر ءبىلىم بەرۋ ۇيىمدارىنا باراتىن بالالاردىڭ قۇجاتىن تولتىرىپ جاتىر.
- مەكتەپكە نەمەسە بالاباقشاعا باراتىن بالانىڭ دەنساۋلىق قۇجاتى ونلاين تۇردە دايىن بولادى. وعان بارلىق مەديتسينالىق مالىمەت ەنگىزىلەدى. سوندىقتان بۇل وتە ىڭعايلى جۇيە دەپ سانايمىز, - دەيدى قالالىق ەمحانانىڭ مەدبيكەسى ليۋدميلا زەلينسكايا.
بۇل مەديتسينالىق دەرەكتەردىڭ جوعالىپ كەتپەۋىنە دە مۇمكىندىك بەرەدى, - دەيدى دارىگەرلەر.
- بۇل فورما نەگىزى 18 جاسقا دەيىنگى بالالاردىڭ بارلىعىنا بەرىلەدى. سوعان وراي اتا-انالاردى بالالارىڭىزدىڭ ۋاقىتىلى پروفبايقاۋلار مەن پروفيلاكتيكالىق ەكپەلەردى ۋاقىتىلى وتۋلەرىن سۇرايمىز. ويتكەنى بارلىق اقپاراتتار سول 52/2 فورماسىنا تولىق ەنگىزىلەدى - دەيدى قالالىق ەمحانانىڭ پەدياتريا بولىمشەسىنىڭ مەڭگەرۋشىسى اينۇر ءابىل.
دەنساۋلىق پاسپورتىن تسيرفلاندىرۋ جوباسى تامىز ايىندا تولىق ىسكە قوسىلادى. بيىل ونى ەلىمىز بويىنشا مەكتەپكە باراتىن 380 مىڭ بالا تاپسىرادى.
