فوتو:muftyat.kz
وتاندىق بۇقارالىق اقپارات قۇرالدارىندا قوستانايدىڭ باس يمامى باقىتبەك تاجىمبەتتىڭ ماس كۇيدە كولىك جۇرگىزگەنى تۋرالى اقپارات پايدا بولدى. بەيرەسمي مالىمەتتەرگە سۇيەنسەك, باس يمام 23 شىلدە كۇنى تۇنگى كلۋبتاردىڭ ماڭىنان ماساڭ كۇيدە «Toyota Highlander» ماركالى كولىگىن جۇرگىزىپ جاتقان جەرىنەن ۇستالعان.
«تاجىمبەت باقىتبەك نۇرعابىل ۇلى قازاقستان رەسپۋبليكاسى قىلمىستىق كودەكسىنىڭ 608-بابىنىڭ 1-بولىگىمەن كىنالى دەپ تانىلىپ, وعان 15 تاۋلىككە قاماۋعا الۋ جانە 7 جىلعا جۇرگىزۋشى كۋالىگىنەن ايىرۋ جازاسى تاعايىندالدى. قاماققا الۋ ۋاقىتى 2024 جىلدىڭ 23 شىلدەسى كۇندىزگى ساعات 16:53 مينۋتتان باستاپ ەسەپتەلسىن», دەلىنگەن سوت قاۋلىسىندا.
وسى تۇستا قمدب وقيعاعا قاتىستى مالىمدەمە جاسادى.
ء«دىني باسقارمانىڭ قىزمەت جۇيەسىندە زاڭ نورمالارىن جانە ءدىن قىزمەتكەرى ەتيكاسىن ورەسكەل بۇزاتىن جەكە تۇلعالاردىڭ ءدىني سالادا جۇمىس ىستەۋىنە مورالدىق تۇرعىدان قۇقىعى جوق. قمدب ءدىن قىزمەتكەرىنە لايىقسىز ارەكەت جاساعان باحىتبەك تاجىمبەتتى قوستاناي وبلىسىنىڭ باس يمامى قىزمەتىنەن بوساتتى», دەپ مالىمدەدى قمدب.
ايتا كەتەيىك, باحىتبەك تاجىمبەت 2015 جىلدىڭ 12 قاراشاسىنان باستاپ قوستاناي وبلىسى بويىنشا وكىل يمام جانە قوستاناي وبلىستىق «مارال يشان» مەشىتىنىڭ باس يمامى بولىپ تاعايىندالعان ەدى.
