باس ەسەپشىگە قىلمىستىق كودەكستىڭ 189-بابى 4-بولىگىنىڭ 2-تارماعىمەن (بوتەننىڭ سەنىپ تاپسىرعان اسا ءىرى مولشەردەگى مۇلكىن يەلەنۋ جانە تالان-تاراجعا سالۋ) ايىپ تاعىلدى.
سوت ماتەريالدارىنداعى مالىمەتكە سۇيەنسەك, سوتتالۋشى مەكتەپتىڭ باس ەسەپشىسى لاۋازىمىن اتقارىپ ءجۇرىپ, 2021-2023 جىلدار ارالىعىندا بەلگىلەنگەن ەڭبەكاقى سوماسىنان ارتىق مولشەردەگى قاراجاتتى ءوزىنىڭ شوتىنا اۋدارىپ وتىرعان. وسىلايشا ول وزىنە سەنىپ تاپسىرىلعان 64 295 513 تەڭگە, ياعني اسا ءىرى مولشەردەگى مەملەكەتتىڭ اقشاسىن جىمقىرعان. قازىرگى تاڭدا كەلتىرىلگەن شىعىن وتەلمەگەن.
سوتتالۋشىنىڭ كىناسى دالەلدەندى. ول ءوز كىناسىن مويىنداعان.
- سوت ۇكىمىمەن ول كىنالى دەپ تانىلىپ, وعان 8 جىلعا باس بوستاندىعىنان ايىرۋ جازاسىن تاعايىندالدى. سوتتالۋشى ءومىر بويىنا مەملەكەتتىك قىزمەتتە اتقارۋ قۇقىعىنان ايىرىلدى, - دەلىنگەن قالالىق سوت مالىمەتىندە.
ۇكىمى زاڭدى كۇشىنە ەنگەن جوق.
