تەلەفون ارقىلى سويلەستى

ەلباسى نۇرسۇلتان نازارباەۆ اقش پرەزيدەنتى باراك وبامامەن تەلەفون ارقىلى سويلەستى, دەپ حابارلادى پرەزي­دەنت­ءتىڭ ءباسپاسوز قىزمەتى. اڭگىمە بارىسىندا قازاقستان-امەريكا قارىم-قاتىناسىنىڭ احۋا­لى مەن پەرسپەكتيۆالارى, سون­­داي-اق, حالىقارالىق كۇن ءتارتى­بىن­­دەگى وزەكتى ماسەلەلەر قاراستى­رىل­دى. ەكى ەلدىڭ باسشىلارى ۋك­راي­نا­نىڭ وڭتۇستىك-شىعىسىنداعى جاع­دايدى تالقىلادى. نۇرسۇلتان نازارباەۆ قازاقستان تاراپىنىڭ كوزقاراسى بويىنشا ۋكراينا, رە­سەي, گەرمانيا جانە فرانتسيا باسشىلارى دەڭگەيىندەگى كەلىسسوزدەر ارقىلى شەشىلۋى مۇمكىن وسى ءما­سەلەمەن جەكە ءوزى اينالىسىپ جات­قانىن ايتتى. قازاقستان پرەزيدەنتى امە­ري­كالىق ارىپتەسىنەن ۋكراينا ماسە­لەسى بويىنشا ورتاق مامىلە جولىن ىزدەستىرۋ ىسىنە مەيلىنشە بەلسەندى قاتىسۋدى ءوتىندى. مەملەكەت باسشىسى رەسەيگە قاتىستى ەكونوميكالىق سانكتسيالار ورتالىق ازيا وڭىرىنە دە ىقپال ەتىپ جاتقانىنا توقتالدى. اقش پرەزيدەنتى ۋكرايناداعى جاعدايدى ديپلوماتيالىق جولمەن شەشۋدى جاقتايتىنىنا نۇرسۇلتان نازارباەۆتى سەندىرە وتىرىپ, بۇل ءۇشىن ءبىرىنشى كەزەكتە مينسك ۋاع­دا­لاستىقتارىن ورىنداۋ قاجەتتىگىن اتاپ ءوتتى. ب.وباما, سونداي-اق, قازاق­ستان­نىڭ حالىقارالىق قاۋىپسىزدىكتى نىعايتۋ ىسىنە جۇمساعان كۇش-ءجى­گەرىن جوعارى باعالادى جانە مەملەكەت باسشىسىنىڭ ۋكراي­نا­داعى قاقتىعىستى بەيبىت جولمەن شەشۋ ىسىنە بەلسەندى اتسالىسا بەرەتىنىنە سەنىم ءبىلدىردى. تەلەفون ارقىلى سويلەسۋگە امەريكا جاعى باستاماشىلىق ەتتى.