بيىلعى باستى باعىتتار بەلگىلەنگەن كەڭەس

قازاقستان رەسپۋبليكاسىنىڭ مەملەكەتتىك حاتشىسى, قازاق­ستان پرەزيدەنتى جانىنداعى ايەلدەر ىستەرى جانە وتبا­سىلىق-دەمو­گرا­فيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆانىڭ جەتەكشىلىگىمەن سەلەكتورلىق كەڭەس ءوتتى, دەپ حابارلادى پرەزيدەنتتىڭ ءباسپاسوز قىزمەتى. كەڭەسكە استانا, الماتى قالا­­لارى مەن وبلىستار اكىم­دەرى­نىڭ ورىنباسارلارى – اكىمدەر جا­نىن­­داعى ايەلدەر ىستەرى جانە وتبا­سى­­لىق-دەموگرافيالىق ساياسات ءجو­­نىن­دەگى كوميسسيالاردىڭ توراعا­لارى قاتىستى. ونىڭ بارىسىن­دا مەم­لەكەت باسشىسىنىڭ «نۇر­لى جول – بولاشاققا باستار جول» اتتى جولداۋىنىڭ نەگىزگى ەرەجە­لەرىن ىسكە اسىرۋعا ارنالعان ايەل­دەر ىستەرى جانە وتباسىلىق-دەمو­گرا­­فيا­لىق ساياسات جونىندەگى ۇلت­تىق كو­ميس­سيانىڭ 2015 جىلعى جۇ­مى­سىنىڭ نەگىزگى باعىتتارى بەلگىلەندى. گ.ابدىقالىقوۆا ۇلتتىق كوميس­سيانىڭ بيىلعى جۇمىسىندا ءوڭىر­لىك دامۋعا باسا ءمان بەرىلەتىنىن اتاپ ءوتتى. مەملەكەتتىك حاتشى كەڭەس­كە قاتىسۋشىلاردىڭ نازارىن ايەلدەردى جۇمىسپەن قام­تۋ, بيزنەستىڭ الەۋمەتتىك جاۋاپ­­كەر­­شىلىگىن ارتتىرۋ, ايەلدەر كاسىپ­كەرلىگىنە قولداۋ كورسەتۋ ماسە­لەلەرىنە اۋداردى.  گ.ابدىقالىقوۆا: «ەڭبەككە قابىلەتتى جانە جۇمىس ىستەۋگە مۇمكىندىگى بار بىردە-ءبىر ايەل جۇمىسسىز قالماۋى ءتيىس!» – دەدى. قازاقستان حالقى اسسامبلەياسى جىلىندا وتباسىن نىعايتۋ جۇمىسى ۇلتتىق كوميسسيانىڭ نەگىزگى مىندەتتەرىنىڭ بىرىنە اينالۋعا ءتيىس. بۇل ورايدا, نەكە جانە وتباسى ينس­تيتۋتىن نىعايتۋدىڭ, وتباسىلىق قۇندىلىقتاردى دارىپتەۋ مەن ساقتاۋدىڭ ايقىن دالەلى بولىپ تابىلاتىن «مەرەيلى وتباسى» ۇلت­تىق كونكۋرسى ماڭىزدى ءرول اتقارادى. مەملەكەتتىك حاتشى: «وتبا­سىن نىعايتۋ – قوعامداعى تۇراقتى­لىقتىڭ, ياعني ەلدەگى تاتۋلىق پەن كەلىسىمنىڭ كەپىلى!» – دەپ اتاپ ءوتتى. مەملەكەتتىك حاتشى وڭىرلەر اكىمدەرىنىڭ ورىنباسارلارىنا جەڭىستىڭ 70 جىلدىعىن مەرەكەلەۋ اياسىندا پرەزيدەنتتىڭ ۇلى وتان سوعىسىنىڭ ارداگەرلەرىنە قولداۋ كورسەتۋ جونىندەگى باستامالارىن ىسكە اسىرۋدى قامتاماسىز ەتۋدى تاپسىرا وتىرىپ, ايەلدەر اراسىنان شىققان سوعىس ارداگەرلەرىنىڭ, مايدانگەرلەر ايەلدەرىنىڭ, تىلداعى ەڭبەكشى ايەلدەردىڭ سىڭىرگەن ەڭبەكتەرىنە توقتالىپ ءوتتى. سەلەكتورلىق كەڭەس قورى­تىن­دىسى بويىنشا مەملەكەتتىك حاتشى بىرقاتار ناقتى تاپسىرمالار بەردى.