Almaty.tv مالىمدەگەندەي, وبلىستىق سوت 244 تومنان تۇراتىن ىسكە نۇكتە قويىپ, 20 ادامدى كىنالى دەپ تانىدى. سوتتالۋشىلار 7 جىلدان 15 جىلعا دەيىن باس بوستاندىعىنان ايىرىلدى.
بۇگىنگى وتىرىستا سوت تالدىقورعان قالالىق ءبىلىم ءبولىمىنىڭ ەسەپشىسىن «قىلمىستىق توپتى ۇيىمداستىرعان» دەپ تانىدى. باس بۋحگالتەردىڭ سىبايلاستارىمەن بىرىگىپ, مۇلدە جۇمىس ىستەمەگەن ادامدارعا جانە مەكتەپ قىزمەتكەرلەرىنە جالاقىدان تىس اقشا اۋدارعانى دالەلدەندى. ولار وسى ادىسپەن 3 جىلدا 4,5 ملرد تەڭگەدەن اسا بيۋدجەت قارجىسىن جىمقىرعان. ال ءدال وسى زاڭبۇزۋشىلىقتارعا كوز جۇمىپ كەلگەن رەۆيزيالىق كوميسسيانىڭ باسشىسى مەن ونىڭ مۇشەلەرىن پروكۋرورلار تەكسەرەدى.
– سوت ءمان-جايدى باسشىلىققا الا وتىرىپ, سەرگازينوۆانىڭ بارلىق ءبىلىم بولىمىنە قاراستى باس بۋحگالتەرلەردى شاقىرىپ, سەنىمدى ادامدارمەن ۇيىمداسقان توپتى قۇرىپ, باستاماشى بولعانى انىقتالدى, – دەدى جەتىسۋ وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى باقىت ەرماحانوۆ.
سۋديا قىلمىستىق ءىستىڭ نەگىزگى 3 ۇيىمداستىرۋشىسىن 12 جىلدان 15 جىلعا دەيىن باس بوستاندىعىنان ايىردى. ال وزگە 5 سوتتالۋشى 7 جىلدان 11 جىلعا دەيىن مەرزىمىن وتەيدى. تاعى 2 ەسەپشى شارتتى تۇردە سوتتالسا, بىرەۋىنە قاتىستى ءىس قايتىس بولۋىنا بايلانىستى توقتاتىلدى.
– ۇيىمداسقان قىلمىستىق توپ قۇرعان 10 ادام, ولار قك-ءتىڭ 262-بابى, 3-بولىگى جانە 189-بابتىڭ 1-2 تارماقتارى, ال قالاعان 10 ادام قك-ءتىڭ 189-بابى, 2-تارماعى بويىنشا كىنالى بولىپ تابىلدى, – دەدى جەتىسۋ وبلىستىق پروكۋراتۋراسىنىڭ اعا پروكۋرورى سايان دۇيسەباەۆ.
سوتتالۋشىلاردىڭ دەنى 25-50 جاس ارالىعىنداعى قىز-كەلىنشەكتەر. اراسىندا جاس بوسانعان انا دا, اي-كۇنىن كۇتىپ وتىرعان جۇكتى ايەلدەر دە بار. ولار اقشا جىمقىرعاندارىن عانا مويىنداپ, قالعان بولىگىندە ءوزىن اقتاۋدى سۇرادى.
– وتە قاتاڭ جازا بەرىلدى. پروكۋرور دا نە سەبەپتى باس بوستاندىعىنان ايىرۋ جازاسىن تاعايىندىلعانىن نەگىزدەمەدى. ول كىسىدە بۇرىن سوتتالماعان, دەنساۋلىعىن, جاسىن ەسكەرىپ, قولداۋعا بولار ەدى, – دەدى قورعاۋشى دينارا ابدىكارىموۆا.
ايتا كەتەيىك, اتىشۋلى قىلمىسقا قاتىستىلاردان 3 ملرد تەڭگەدەن اسا اقشا الىندى. زەرگەرلىك بۇيىمدار, جىلجىمايتىن جانە جىلجىمالى م ۇلىكتەر دە تاركىلەنگەن.
