فوتو: Newscentral.africa
Newscentral.africa باسىلىمىنىڭ حابارلاۋىنشا, سەيسەنبىدە ۇكىمەت وكىلدەرى ەفيوپيانىڭ وڭتۇستىگىندە بولعان ەكى كوشكىن سالدارىنان قازا تاپقاندار سانى 157-گە دەيىن وسكەنىن مالىمدەگەن. كوز جۇمعاندار سانى ءالى دە ارتۋى مۇمكىن.
ايتا كەتەيىك, تابيعي اپات ەفيوپيانىڭ وڭتۇستىگىندەگى گوفا ايماعىندا بولعان.
ەل شەنەۋنىكتەرىنىڭ ايتۋىنشا, جالپى ەكى كوشكىن بولعان. ءبىرىنشى كوشكىننەن كەيىن تۇرعىندار زارداپ شەككەندەرگە كومەككە اسىققان, بىراق ولار ەكىنشى كوشكىننىڭ استىندا قالىپ قويعان.
«ىزدەستىرۋ جۇمىستارى جالعاسىپ جاتىر, ءالى دە تابىلماعاندار بار. اۋدان وتە كۇردەلى. وسى ۋاقىتقا دەيىن ەكى اۋىلدان 157 ءمايىتتى شىعاردىق. مارقۇمداردىڭ سانى ءالى دە ءوسۋى مۇمكىن دەپ ويلايمىز», دەدى گوفا ايماعىنداعى تابيعي اپاتتاردى جويۋ جونىندەگى ۇلتتىق اگەنتتىك باسشىسى ماركوس مەلەس.
انىقتالعانداي, كوز جۇمعاندار اراسىندا ايەلدەر مەن بالالار سانى باسىم.
