فوتو: massaget.kz
ەكونوميكالىق ءوسىمدى قامتاماسىز ەتۋ جونىندەگى ءبىرىنشى كەزەكتەگى ءىس-قيمىل جوسپارى بويىنشا جوسپارلانعان ءوسىم وتكەن جىلعى كورسەتكىشتەرگە قاراعاندا 11,6%-دى قۇراۋى ءتيىس.
«بيىلعى 6 ايدا اۋىل شارۋاشىلىعى جالپى ءونىمىنىڭ كولەمى 3,4%-عا ارتىپ, 1,6 ترلن تەڭگەنى قۇرادى. بۇل رەتتە مال شارۋاشىلىعىنىڭ جالپى ءونىمىنىڭ ناقتى كولەمى 103,5%-دى, وسىمدىك شارۋاشىلىعىندا — 103%-دى كورسەتتى. 11,6% دەڭگەيىندە جوسپارلانعان كورسەتكىشكە قول جەتكىزۋ ەگىن جيناۋ جۇمىستارى اياقتالعاننان كەيىن ەكىنشى جارتىجىلدىقتا قامتاماسىز ەتىلەدى», دەدى ا.ساپاروۆ.
ەگىس القاپتارىن ءارتاراپتاندىرۋ شەڭبەرىندە بيداي ەگۋ الاڭى 450,3 مىڭ گەكتارعا قىسقارتىلدى, سونىمەن قاتار مايلى داقىلدار الاڭى 608 مىڭ گەكتارعا, قانت قىزىلشاسى – 9,4 مىڭ گەكتارعا ۇلعايتىلدى. سونداي-اق سۋدى كوپ قاجەت ەتەتىن داقىلداردىڭ اۋدانى كىشىرەيدى: كۇرىش 6,9 مىڭ گا, ماقتا 16 مىڭ گا. وسى جىلدىڭ جالپى ەگىس القابى 23,8 ملن گا قۇرادى.
«مەملەكەت باسشىسىنىڭ تاپسىرماسىنا سايكەس رەسپۋبليكا بويىنشا بيىلعا ارنالعان ەگىس القاپتارىن ءارتاراپتاندىرۋ جوسپارلارىنا قول جەتكىزىلدى», دەدى مينيستر.
