«بۇل كۇندى ەرەكشە تەبىرەنىسپەن كۇتتىم»

اتىراۋ. 26 ءساۋىر. اتىراۋ جۇرتشىلىعى داۋىس بەرۋدە ەرەكشە بەلسەندىلىك تانىتۋدا. اسىرەسە, جاستاردىڭ ءوز تاڭداۋىن جاساۋعا اسقان جاۋاپكەرشىلىكپەن قاراعانى كوڭىل قۋانتادى. سونداي جاستاردىڭ ءبىرى, حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ 2-كۋرس ستۋدەنتى گۇلدانا ەلەمەسوۆا سايلاۋ بولاتىن كۇندى ەرەكشە تەبىرەنىسپەن كۇتكەنىن ايتتى بۇل تۋرالى egemen.kz حابارلادى. «بۇل كۇندى مەن ەرەكشە ءبىر تولقىنىسپەن كۇتتىم. ويتكەنى, بيىل 26 ءساۋىردىڭ مەن ءۇشىن ەكى ەرەكشەلىگى بار. بىرىنشىدەن, مەن دە زامانداستارىم سەكىلدى سايلاۋدا العاش رەت داۋىس بەرىپ, ءوز تاڭداۋىمدى جاسايتىن مۇمكىندىككە يە بولدىم. ءسويتىپ, وركەنيەتتى ەلدەر قاتارىنان ورىن الىپ, قۋاتتى مەملەكەت رەتىندە قالىپتاسا باستاعان سۇيىكتى وتانىم – قازاقستاننىڭ جارقىن كەلەشەگى ءۇشىن داۋىس بەردىم», – دەيدى گۇلدانا. ەلىمىزدەگى ساياسي تۇراقتىلىققا, تاتۋلىق پەن دوستىققا توقتالعان جاس سايلاۋشى وتاندىق ءوندىرىستىڭ كەڭ قانات جايعانىن جانە جاڭا تەحنولوگيالار مەن وسى زامانعى قۇرال-جابدىقتاردى ءوزىمىز شىعارۋعا قول جەتكىزگەنىمىزدى تىلگە تيەك ەتتى «پرەزيدەنت سايلاۋى 26 ساۋىرگە تاعايىندالعانىن ەستىگەنىمدە قاتتى تولقىدىم, ءارى قۋاندىم. ويتكەنى, بۇل كۇن – مەنىڭ تۋعان كۇنىم. جىل سايىن جارىق دۇنيەگە قادام باسقان اتاۋلى كۇنىمدى تاعاتسىزدانا توسۋشى ەدىم. ال بيىل پرەزيدەنت سايلاۋىمەن تۇسپا-تۇس كەلگەندىكتەن بۇل كۇندى ەرەكشە ءبىر تەبىرەنىسپەن كۇتتىم. سول سەبەپتى دە, بيىلعى تۋعان كۇنىم ومىرىمدە ەرەكشە ەستە ساقتالاتىن بولدى», – دەيدى ەل بولاشاعىنا بەي-جاي قاراماعان قارىنداسىمىز. جولداسبەك شوپەعۇل. دەرەك, سۋرەت: egemen.kz.