فوتو: Azattyq Ruhy
«استانادا 1 تامىزدان باستاپ قوعامدىق كولىكتە جول ءجۇرۋ اقىسى 90 تەڭگەدەن 110 تەڭگەگە دەيىن كوتەرىلەدى. ايتا كەتەيىك, 2014 جىلدىڭ قىركۇيەگىندە قالالىق باعىتتاردا جول ءجۇرۋ اقىسى 90 تەڭگە بولاتىن», دەلىنگەن حابارلامادا.
ايتا كەتەيىك, 2020 جىلدىڭ ناۋرىز ايىنان باستاپ استانادا جانە قالا ماڭىندا وقيتىن 18 جاسقا دەيىنگى بالالار قوعامدىق كولىكتە تەگىن جۇرەتىن ەدى.
بۇل جەڭىلدىك كەلەسى ساناتتارعا جاتاتىن ازاماتتارعا دا بەرىلەدى:
- ۇلى وتان سوعىسىنىڭ قاتىسۋشىلارى مەن مۇگەدەكتەرى جانە ولارعا تەڭەستىرىلگەن تۇلعالار;
- جاسى جانە ەڭبەك سىڭىرگەن جىلدارى بويىنشا زەينەتكەرلەر, سونداي-اق جاسى بويىنشا جانە اسىراۋشىسىنان ايىرىلۋ جاعدايى بويىنشا زەينەتكەرلىك جاسقا تولعان مەملەكەتتىك الەۋمەتتىك جاردەماقى الۋشىلار;
- كوپبالالى انالار;
- كوپبالالى وتباسىلار;
- مۇگەدەكتەر;
- ون سەگىز جاسقا دەيىنگى مۇگەدەك بالالار, ونىڭ ىشىندە اتا-انالارىنىڭ ءبىرى (زاڭدى وكىلدەرى).
- «جاپپاي ساياسي قۋعىن-سۇرگىن قۇرباندارىن وڭالتۋ تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن اقتالعان 1986 جىلعى 17-18 جەلتوقسانداعى قازاقستانداعى وقيعالارعا قاتىسۋشىلار قاتارىنان ساياسي قۋعىن-سۇرگىن قۇرباندارى.
بۇعان دەيىن الماتى قالاسىنداعى قوعامدىق كولىكتە جول ءجۇرۋ قۇنىنىڭ دا قىمباتتايتىنىن حابارلاعان ەدىك.
