اتىراۋ وبلىسى اكىمىنىڭ ءباسپاسوز قىزمەتىنەن جازعانداي, وقيعا 20 شىلدەدە قالا ماڭىنداعى كوكارنا شاعىناۋدانى تۇسىندا بولعان.
«جايىق وزەنىنىڭ جابدىقتالماعان تۇسىندا 2010 جانە 2011 جىلى تۋعان ەكى ءجاسوسپىرىم سۋعا تۇسكەن. وكىنىشكە قاراي ەكى ءجاسوسپىرىم وزەنگە باتىپ كەتتى. وبلىستىق توتەنشە جاعدايلار دەپارتامەنتىنىڭ قۇتقارۋشىلارى ساعات 19:30-دا 2010 جىلعى ءجاسوسپىرىمنىڭ مۇردەسىن 4,5 مەتر تەرەڭدىكتەن شىعاردى. ال 13 جاسار ءجاسوسپىرىمدى ىزدەستىرۋ جۇمىسى جالعاسىپ جاتىر», - دەپ حابارلادى اكىمدىكتىڭ ءباسپاسوز قىزمەتى.
سۋعا باتقان ءجاسوسپىرىمدى ىزدەۋگە توتەنشە جاعدايلار دەپارتامەنتىنەن 15 قۇتقارۋشى, 5 ءجۇزۋ قۇرالى تارتىلعان.
«وبلىس تۇرعىندارى مەن قوناقتارىنا قايعىلى جاعدايعا ۇرىنباۋ ءۇشىن سۋ ايدىندارىندا شومىلۋ ماۋسىمى ءالى رەسمي تۇردە اشىلماعانىن حابارلايمىز. سول سەبەپتەن, قاۋىپسىزدىكتى ساقتاۋ ماقساتىندا سۋعا تۇسپەگەن ءجون. رۇقسات ەتىلمەگەن جەردە شومىلۋ قاۋىپتى, سوڭى قايعىلى جاعدايعا اكەلۋى مۇمكىن ەكەنىن ەسكەرتەمىز», - دەپ ءمالىم ەتتى اكىمدىكتىڭ ءباسپاسوز قىزمەتىنەن.
