اقتوبە. 26 ءساۋىر. قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى اقتوبە وبلىسىندا بەلسەندى وتۋدە. بۇل تۋرالى egemen.kz ءتىلشىسى حابارلادى.
№61 سايلاۋ ۋچاسكەسىندە ساعات 15:30-عا دەيىن تىركەلگەن 2 130 سايلاۋشىنىڭ 1 831-ءى داۋىس بەرىپ ۇلگەرگەن. ال №38 سايلاۋ ۋچاسكەسىندەگى رەسەيدەن كەلگەن تمد ميسسياسىنىڭ بايقاۋشىسى, ورىنبور وبلىسى ۇكىمەتىنىڭ ۆيتسە-گۋبەرناتورى, ىشكى ساياسات ءبولىمى توراعاسىنىڭ ورىنباسارى ولەگ ديموۆ سايلاۋدىڭ ۇيىمشىلدىقپەن, تازا جانە ءادىل ءوتىپ جاتقانىن ايتتى.
ول ءوز سوزىندە وبلىستىڭ ەكونوميكالىق دامۋىنا دا وڭ باعا بەردى.
سونىمەن قاتار, قالالىق وقۋشىلار سارايىنداعى №77 سايلاۋ ۋچاسكەسىندە بولعان حالىقارالىق بايقاۋشى, پولشادان كەلگەن ادام مارشالەك تە سايلاۋ تۋرالى وڭ پىكىر ءبىلدىردى.
جالپى, وبلىس بويىنشا ساعات 15:30-عا دەيىن سايلاۋشىلاردىڭ 70,1 پايىزى داۋىس بەرىپ ۇلگەرگەن.
ساتىبالدى ءساۋىرباي.
دەرەك, سۋرەت: egemen.kz.
