فوتو: primeminister.kz
پرەمەر-ءمينيستردىڭ ورىنباسارى قانات بوزىمباەۆ ارقالىقتا سالىنىپ جاتقان كوپپاتەرلى ءۇيدىڭ قۇرىلىس بارىسىن جانە مەردىگەرلەردىڭ جۇمىسىن تەكسەردى. «بازيس ا» كومپانياسىنىڭ قاراجاتى ەسەبىنەن سالىنىپ جاتقان تۇرعىن ءۇي 50 وتباسىنا ارنالعان. سونداي-اق ۆيتسە-پرەمەر ارقالىق جەو-نىڭ الداعى جىلىتۋ ماۋسىمىنا دايىندىعىن تەكسەردى.
جانگەلدى اۋدانىنىڭ كولقامىس اۋىلىندا 19 ءۇي سالىنىپ جاتىر. ۇيلەر «قازاقستان حالقىنا» قورى ەسەبىنەن سالىنىپ, شىلدە ايىنىڭ سوڭىنا دەيىن پايدالانۋعا بەرىلەدى. بۇگىن جانگەلدين اۋدانىنىڭ تاۋىش اۋىلىندا سۋ تاسقىنىنان زارداپ شەككەن 22 وتباسى باسپانالى بولدى.
قوستانايدا دا 14 وتباسى پاتەر كىلتىن يەلەندى. سالتاناتتى جيىندا قانات بوزىمباەۆ پاتەر يەلەرىن قۇتتىقتاپ, ولارعا توزىمدىلىك پەن شىدامدىلىق تانىتقانى ءۇشىن تاعى دا العىس ايتتى.
قوستاناي تۇرعىندارىمەن بىرگە التىنسارين اۋىلىنىڭ تۇرعىندارى دا قونىس تويىن تويلادى. 21 ءۇيدىڭ كىلتىن «قازاقستان حالقىنا» قورى توراعاسىنىڭ ورىنباسارى ءلاززات شىڭعىسباەۆا تابىس ەتتى.
وڭىردە سۋ تاسقىنى سالدارىن جويۋ جۇمىستارى ءالى دە جالعاسىپ جاتىر. قانات بوزىمباەۆ التىنسارين اۋىلىنداعى جوندەلگەن تۇرعىن ۇيلەردى ارالاپ, بيزنەسى زارداپ شەككەن جەرگىلىكتى كاسىپكەرلەرمەن جانە تۇرعىندارمەن كەزدەستى.
قوستاناي وبلىسىنا جۇمىس ساپارىنىڭ قورىتىندىسى بويىنشا قانات بوزىمباەۆ جەرگىلىكتى اتقارۋشى ورگاندار مەن بەيىندى مينيسترلىكتەرگە بىرقاتار تاپسىرما بەردى.
