سۋ قويماسى قايتا جاڭعىرتىلادى

وسىنداعى «تەرىس-اششى­بۇلاق» سۋ قويماسى – نازار اۋدارۋدى قاجەت ەتەتىن نەگىزگى نىسانداردىڭ ءبىرى. 1963 جىلى پايدالانۋعا بەرىلگەن, سەكۋندىنا 36 تەكشە مەتر سۋ وتكىزە الاتىن سۋ قويماسىنىڭ 158,6 ميلليون تەكشە مەتر سۋ جيناۋ مۇمكىندىگى بار. دەگەنمەن قازىرگى ۋاقىتتا سۋ قويماسى شۇعىل تۇردە قايتا جاڭعىرتۋدى قاجەت ەتەدى.

سەناتور اۋدان تۇرعىندا­رىمەن كەزدەسۋ بارىسىندا وسىن­داعى اۋىل­دارعا ساپالى اۋىزسۋ جەتكىزۋگە باسا نازار اۋداردى. تۇرعىندار وتكەن جىلى اۋىزسۋ ماسەلەسى اسا وتكىر تۇر­عان تۇكتىباي جانە اقتوبە اۋىل­دا­رىنا تازا سۋ قۇبىرىن جەتكىزۋ ماق­ساتىندا جو­بالىق-سمەتالىق قۇ­جات­تار ازىر­لەنگەنى تۋرالى ما­لىمدەدى.

ء«بىز وڭىردەگى ينفراقۇ­­رى­لىم­­دى جاقسارتۋعا, ونىڭ ىشىندە اۋىل تۇرعىندارىن ساپالى اۋىزسۋمەن قامتاماسىز ەتۋگە قاتىستى بار­لىق ماسەلەنى نازاردا ۇستايتىن بولامىز. «تەرىس-اششىبۇلاق» سۋ قوي­ما­سىن جاڭعىرتۋ جانە تۇك­تىباي مەن اقتوبە اۋىلدارىنا سۋ­مەن جابدىقتاۋ جۇيەسىن سالۋ ءبىرىن­شى كەزەكتەگى ماڭىزعا يە. تۇر­عىنداردىڭ كۇندەلىكتى ءومىرى ءۇشىن تازا اۋىزسۋ – ستراتەگيالىق رەسۋرس ەكەنى بەلگىلى. جەرگىلىكتى اتقارۋشى ورگاندار وسى ماسەلەنى باقىلاۋدا ۇستاپ, بۇكىل جۇمىستى ۋاقتىلى جانە ساپالى ورىنداۋ ءۇشىن بارلىق كۇش-جىگەرىن جۇمساۋى كەرەك», دەدى سەناتور.

دەپۋتات سونداي-اق م.اۋە­زوۆ اتىنداعى ورتا مەكتەپتىڭ قوسىمشا قۇرىلىسىمەن دە تانىستى. مەكتەپكە قوسىمشا قۇرىلىس سالۋعا بيۋدجەت قارجىسى بولىنگەن بولاتىن, ول جاڭا عيمارات سالۋعا عانا ەمەس, ەسكى مەكتەپتى كۇردەلى جوندەۋگە دە مۇمكىندىك بەرەدى.