فوتو: adyrna.kz
ق.تاستەكەەۆ قابىلدانعان زاڭنىڭ ماقساتى سوت جۇيەسىن ودان ءارى جەتىلدىرۋ, سۋديالاردىڭ تاۋەلسىزدىگىن كۇشەيتۋ, ولاردىڭ تەڭ مارتەبەسىن قامتاماسىز ەتۋ, اكىمشىلىك قىسىمدى جويۋ, ولاردى سايلاۋ تەتىكتەرىن جەتىلدىرۋ, سونداي-اق جوعارى سوت كەڭەسىنىڭ ءرولى مەن مارتەبەسىن كۇشەيتۋ ەكەنىن اتاپ ءوتتى.
ء«بىز قازاقستان رەسپۋبليكاسىنىڭ سوت جۇيەسىندەگى ەڭ بيىك ستاندارتتارعا ساي بولۋىنا ۇمتىلامىز. قابىلدانعان زاڭ سۋديالاردىڭ تاۋەلسىزدىگى مەن تەڭدىگىن قامتاماسىز ەتۋگە, سونداي-اق جوعارى سوت كەڭەسىنىڭ ءرولىن نىعايتۋ ارقىلى سول ماقساتقا جەتۋگە باعىتتالعان», دەدى سەناتور.
دەپۋتات سونىمەن قاتار سەنات وتكەن جىلى جۇزدەن استام زاڭدى ماقۇلداعانى تۋرالى قاتىسۋشىلارعا ايتىپ, كونستيتۋتسيادا كوزدەلگەن جاعدايلاردا ۇكىمەت مۇشەلەرىنىڭ پارلامەنت پالاتالارىنا ەسەپ بەرۋىنىڭ ماڭىزدىلىعىن اتاپ ءوتتى. سەناتور سوت پەن پروكۋراتۋرا قىزمەتكەرلەرىنىڭ ەل ومىرىندەگى ەرەكشە رولىنە توقتالا كەلىپ, ولاردىڭ جۇمىسى قوعامداعى قۇقىقتىق ءتارتىپ پەن ادىلەتتىلىكتى قامتاماسىز ەتۋدە شەشۋشى ءرول اتقاراتىنىن جەتكىزدى.
